नवी मुंबई महापालिका क्षेत्रात गेल्या वर्षी 514 अतिधोकादायक इमारती होत्या. यंदा ही संख्या 595 झाली असून नवी मुंबई महानगरपालिकेच्या हद्दीतील धोकादायक इमारतींचे 2024-25 या वर्षासाठी सर्वेक्षण करण्यात आले आहे.
सर्वेक्षणानंतर महाराष्ट्र महानगरपालिका अधिनियम कलम 264 अन्वये एकूण 535 इमारती धोकादायक इमारती म्हणून घोषित करण्यात आल्या आहेत.
महाराष्ट्र महानगरपालिका अधिनियमाच्या कलम 265(अ) नुसार, 30 सप्टेंबर 2024 पूर्वी 30 वर्षांहून अधिक काळ वापरात असलेल्या इमारतींची संरचनात्मक तपासणी नवी मुंबई महानगरपालिकेकडे नोंदणीकृत स्ट्रक्चरल इंजिनीअरकडून करून घेणे बंधनकारक आहे. नवी मुंबई शहरातील नागरिकांनी 30 सप्टेंबरपूर्वी
धोकादायक इमारतींचा संरचनात्मक अहवाल सादर न केल्यास 25 हजार रुपयांचा दंड आकारण्यात येणार असल्याचे महापालिकेने पाठविलेल्या अधिसूचनेत नमूद करण्यात आले आहे. महापालिकेच्या सर्वेक्षणानुसार शहरात 535 धोकादायक इमारती आहेत.
नवी मुंबई महानगरपालिकेची नोटीस
नागरिकांना विनंती आहे की, धोकादायक इमारती/घरांचा ताबा/वापर तात्काळ थांबवावा. अन्यथा एखादी दुर्दैवी दुर्घटना घडल्यास त्याची संपूर्ण जबाबदारी संबंधितांवर राहील, याची नोंद घ्यावी, असे संकेत महापालिकेच्या वतीने देण्यात आले आहेत.
पनवेलमध्ये ७९ धोकादायक बांधकामे
पनवेल महापालिका क्षेत्रात ७९ अतिधोकादायक मालमत्ता असून, पालिकेने एका प्रसिद्धीपत्रकाद्वारे या मालमत्ताधारकांना पावसाळ्यापूर्वी संबंधित जागा रिकामी करण्याचे आदेश दिले आहेत. जर संरचना 30 वर्षांहून अधिक जुनी असेल, तर स्ट्रक्चरल इंजिनीअरकडून स्ट्रक्चरल ऑडिट करून घेणे हा नियम आहे.
काही वर्षांपूर्वी पनवेलमध्ये धोकादायक इमारत कोसळली होती. अतिवृष्टीदरम्यान पनवेलमध्ये कोणताही अनुचित प्रकार घडू नये यासाठी खबरदारीचा उपाय म्हणून पालिका मे महिन्यापासून धोकादायक इमारतींच्या मालमत्ताधारकांना सूचना पत्राद्वारे सतर्क करत आहे.
अतिधोकादायक इमारतींमध्ये कोणताही अनुचित प्रकार घडल्यास संबंधित मालमत्तेचे मालक जबाबदार असतील, अशी माहिती या अधिसूचना पत्रात देण्यात आली आहे.
हेही वाचा
Share
Tweet
