देशात एकीकडे पाऊस तर दुसरीकडे उष्णतेची लाट येण्याची शक्यता आहे. 4 ते 5 एप्रिल दरम्यान उत्तर कर्नाटकात विविध ठिकाणी उष्णतेची लाट येण्याची शक्यता आहे. 5 ते 7 एप्रिल दरम्यान पश्चिम बंगाल आणि ओडिशामध्ये वेगळ्या ठिकाणी उष्णतेची लाट येण्याची शक्यता आहे.
झारखंड, तेलंगणा आणि रायलसीमा येथे 4 ते 6 एप्रिल दरम्यान उष्णतेची लाट येण्याची शक्यता आहे. यासोबतच आंध्र प्रदेशात विविध ठिकाणी उष्णतेची लाट येण्याची शक्यता आहे.
महाराष्ट्रात पावसाची शक्यता
शुक्रवारपासून महाराष्ट्राच्या काही भागात पावसाची शक्यता आहे. हवामान खात्याच्या अंदाजानुसार मध्य महाराष्ट्र, मराठवाडा आणि विदर्भातील जिल्ह्यांमध्ये तुरळक ठिकाणी ताशी 30 ते 40 किमी वेगाने वाऱ्यासह हलका पाऊस पडण्याची शक्यता आहे.
एप्रिल महिन्यात अवकाळी पावसाचा अंदाज
आयएमडीने एप्रिल महिन्यात पावसाची शक्यता वर्तवली आहे. उत्तर-पश्चिम, मध्य भारत आणि पूर्व भारताच्या अनेक भागांमध्ये हलका ते मध्यम पाऊस पडण्याची शक्यता आहे. पूर्व आणि पश्चिम किनारपट्टी, पूर्व आणि पूर्व भारताचा काही भाग आणि उत्तर भारताच्या काही भागात पावसाची शक्यता हवामान खात्याने वर्तवली आहे.
हेही वाचा
Share
Tweet
