महात्मा गांधी यांचे पणतू तुषार गांधी यांना बुधवारी मुंबई पोलिसांनी ताब्यात घेतले. तुषार गांधी आज सकाळी घरून निघाले तेव्हा त्यांना सांताक्रूझ पोलीस ठाण्यात नेण्यात आले. भारत छोडो आंदोलन दिनाच्या स्मरणार्थ ते ऑगस्ट क्रांती मैदानावर जात होते.
तुषार गांधींनी त्यांच्या ट्विटरवरून ही माहिती दिली आहे. "स्वतंत्र भारताच्या इतिहासात प्रथमच मला सांताक्रूझ पोलिस स्टेशनमध्ये ताब्यात घेण्यात आले आहे कारण मी ९ ऑगस्ट रोजी भारत छोडो दिनाच्या स्मरणार्थ ऑगस्ट क्रांती मैदानात जात होते. मला अभिमान आहे की माझे आजोबा बापू आणि बा यांनाही ब्रिटीश पोलिसांनी अटक केली होती. ऐतिहासिक तारीख,” तुषार गांधी यांनी ट्विट केले.
तुषार गांधी यांनी सांगितले की, एकदा त्यांना पोलिस स्टेशन सोडण्याची परवानगी मिळाल्यानंतर ते नक्कीच ऑगस्ट क्रांती मैदानावर जातील. "मला पोलिस स्टेशन सोडण्याची परवानगी मिळताच मी ऑगस्ट क्रांती मैदानाकडे जाईन. ऑगस्ट क्रांती दिन आणि शहीदांचे स्मरण नक्कीच करेन," गांधी यांनी ट्विट केले.
हेही वाचा