गेट वेहून एलिफंटाकडे जाणारी बोट उलटली आहे. गेट वे ऑफ इंडिया जवळच्या समुद्रात ही दुर्घटना घडली आहे. यामध्ये एकाचा मृत्यू झाल्याची माहिती समोर आली आहे.
बोटीत 30 हून अधिक प्रवासी असल्याची माहिती समोर आली आहे. बचाव पथक घटनास्थळी दाखल झाले आहे. दोन बोटींचा एकमेकींना धक्का लागल्याने ही दुर्घटना घडल्याची प्राथमिक माहिती समोर आली आहे. या बोटीचे नाव निलकमल असे आहे.
नौदलाच्या 11 बोटी, सागरी पोलिसांच्या 3 बोटी आणि तटरक्षक दलाच्या एका बोटी घटनास्थळी दाखल झाल्या आहेत. बोटींसह चार हेलिकॉप्टरच्या मदतीने सर्च ऑपरेशन सुरु आहे.