कल्याण (kalyan) ते बदलापूर (badlapur) तिसरा आणि चौथा मार्ग 1,510 कोटी रुपये खर्चून बांधला जाणार आहे. मुंबई रेल्वे विकास कॉर्पोरेशन (MRVC) हा प्रकल्प राबवत आहे. या प्रकल्पासाठी केंद्र आणि महाराष्ट्र सरकारकडून 50:50 च्या प्रमाणात निधी पुरवला जाईल.
बदलापूर ते कर्जत अशा तिसऱ्या आणि चौथ्या मार्गाच्या विस्तार प्रकल्पाचे मूल्यांकन शुक्रवारी करण्यात आले. उद्योग आणि अंतर्गत व्यापार प्रोत्साहन विभागाच्या (DPIIT) संयुक्त सचिवांच्या अध्यक्षतेखाली झालेल्या नेटवर्क नियोजन गटाच्या (NPG) 89 व्या बैठकीत करण्यात आले.
बैठकीत रस्ते, रेल्वे आणि मेट्रो क्षेत्रातील इतर पायाभूत सुविधा प्रकल्पांच्या प्रगतीचे मूल्यांकनही करण्यात आले. 32.460 किमी लांबीचा हा ब्राउनफिल्ड प्रकल्प मुंबई - पुणे - सोलापूर - वाडी - चेन्नई कॉरिडॉरवरील वाढत्या प्रवासी आणि मालवाहतुकीच्या कोंडीवर लक्ष केंद्रित करतो.
प्रमुख रेल्वे स्थानके आणि मालवाहतूक ठिकाणांमधील कनेक्टिव्हिटी वाढवून या प्रकल्पाचा फायदा बदलापूर, वांगणी, शेलू, नेरळ, भिवपुरी आणि कर्जत यासारख्या शहरांना होईल.
या बैठकीत पीएम गती शक्ती राष्ट्रीय मास्टर प्लॅन (पीएमजीएसएनएमपी) च्या अनुषंगाने मल्टीमोडल कनेक्टिव्हिटी आणि लॉजिस्टिक्स कार्यक्षमता वाढविण्यावर लक्ष केंद्रित करण्यात आले आहे.
या उपक्रमांमुळे लॉजिस्टिक्स कार्यक्षमता वाढेल तसेच प्रवासाचा वेळ कमी होईल आणि प्रदेशांना महत्त्वपूर्ण सामाजिक - आर्थिक फायदे मिळतील अशी अपेक्षा आहे. कल्याण ते बदलापूर तिसऱ्या आणि चौथ्या मार्गाचा 14 किमी लांबीचा प्रकल्प मुंबई रेल्वे विकास महामंडळाने (MRVC) मुंबई शहरी वाहतूक प्रकल्प फेज - 3 अ अंतर्गत 1,510 कोटी रुपये खर्चून हाती घेतला आहे.