भीमा कोरेगाव हिंसाचार प्रकरणी नक्षलवाद्यांशी संबंध ठेवलेल्या आरोपावरून अटक करण्यात आलेले अरूण फरेरा आणि व्हर्नन गोन्साल्वीस यांना पुणे सत्र न्यायालयाने शनिवारी ६ नोव्हेंबरपर्यंत पोलिस कोठडी सुनावली आहे. न्यायालयाने जामीन फेटाळल्यानंतर या दोघांना शुक्रवारी मुंबईतील अंधेरी आणि ठाण्यातून अटक करण्यात आली होती.
सोबतच सर्वोच्च न्यायालयाने या पाचही कार्यकर्त्यांच्या विशेष तपास पथका (एसआयटी)कडून होणाऱ्या चौकशीला विरोध करणारी इतिहासकार रोमिला थापर यांची पुनर्विचार याचिकाही फेटाळली आहे. मानवाधिकार कार्यकर्त्यांसाठी हा मोठा झटका मानला जात आहे.
नवीन सदस्य भरती
नक्षलवाद्यांशी संबंध असल्याचा आरोपावरून नजरकैदैत असलेले अरुण फरेरा, व्हर्नन गोन्साल्वीस आणि अॅड. सुधा भारद्वाज यांनी पुणे सत्र न्यायालयाकडे जामीन अर्ज केला होता. हा अर्ज न्यायालयाने शुक्रवारी फेटाळल्यानंतर या तिघांच्या अटकेची शक्यता वाढली होती. त्यानुसार पुणे पोलिसांनी त्वरीत या दोघांनाही अटक करत शनिवारी सकाळी न्यायालयापुढे उभं केलं. फरेरा आणि गोन्साल्वीस बंदी असलेल्या सीपीआय माओवादी या संघटनेत नवीन सदस्यांना दाखल करून घेत असल्याची माहिती यावेळी पोलिसांनी न्यायालयाला दिली.
ढवळे यांच्यासोबत संपर्क
गोन्साल्वीस सुधीर ढवळे यांच्या संपर्कात असल्याचं तपासातून समोर आलं आहे. दोघांच्या बँक खात्यातील व्यवहार, आरोपींचे फेसबुक, ईमेल, सीडीआर यांचा तपास करण्यासाठी १४ दिवसांची पोलिस कोठडी देण्याची मागणी जिल्हा सरकारी वकील उज्ज्वला पवार यांनी न्यायालयाकडे केली.
न्यायालयाचा अवमान
तर, नजरकैदेची मुदत संपण्यापूर्वीच आरोपींना अटक करण्यात आल्याने हा न्यायालयाचा अवमान असल्याचा युक्तिवाद अॅड. सिद्धार्थ पाटील यांनी केला. ज्या कारणांसाठी पोलिसांनी कोठडी मागितली आहे, त्याचा तपास करण्यासाठी पोलिसांकडे २ महिन्यांचा कालावधी होता, असं म्हणणंही त्यांनी न्यायालयापुढे मांडलं.
भीमा कोरेगाव हिंसाचार प्रकरणी नक्षलवाद्यांशी संबंध ठेवलेल्या आरोपावरून अटक करण्यात आलेले अरूण फरेरा आणि व्हर्नन गोन्साल्वीस यांना पुणे सत्र न्यायालयाने शनिवारी ६ नोव्हेंबरपर्यंत पोलिस कोठडी सुनावली आहे. न्यायालयाने जामीन फेटाळल्यानंतर या दोघांना शुक्रवारी मुंबईतील अंधेरी आणि ठाण्यातून अटक करण्यात आली होती.
सोबतच सर्वोच्च न्यायालयाने या पाचही कार्यकर्त्यांच्या विशेष तपास पथका (एसआयटी)कडून होणाऱ्या चौकशीला विरोध करणारी इतिहासकार रोमिला थापर यांची पुनर्विचार याचिकाही फेटाळली आहे. मानवाधिकार कार्यकर्त्यांसाठी हा मोठा झटका मानला जात आहे.
नवीन सदस्य भरती
नक्षलवाद्यांशी संबंध असल्याचा आरोपावरून नजरकैदैत असलेले अरुण फरेरा, व्हर्नन गोन्साल्वीस आणि अॅड. सुधा भारद्वाज यांनी पुणे सत्र न्यायालयाकडे जामीन अर्ज केला होता. हा अर्ज न्यायालयाने शुक्रवारी फेटाळल्यानंतर या तिघांच्या अटकेची शक्यता वाढली होती. त्यानुसार पुणे पोलिसांनी त्वरीत या दोघांनाही अटक करत शनिवारी सकाळी न्यायालयापुढे उभं केलं. फरेरा आणि गोन्साल्वीस बंदी असलेल्या सीपीआय माओवादी या संघटनेत नवीन सदस्यांना दाखल करून घेत असल्याची माहिती यावेळी पोलिसांनी न्यायालयाला दिली.
ढवळे यांच्यासोबत संपर्क
गोन्साल्वीस सुधीर ढवळे यांच्या संपर्कात असल्याचं तपासातून समोर आलं आहे. दोघांच्या बँक खात्यातील व्यवहार, आरोपींचे फेसबुक, ईमेल, सीडीआर यांचा तपास करण्यासाठी १४ दिवसांची पोलिस कोठडी देण्याची मागणी जिल्हा सरकारी वकील उज्ज्वला पवार यांनी न्यायालयाकडे केली.
न्यायालयाचा अवमान
तर, नजरकैदेची मुदत संपण्यापूर्वीच आरोपींना अटक करण्यात आल्याने हा न्यायालयाचा अवमान असल्याचा युक्तिवाद अॅड. सिद्धार्थ पाटील यांनी केला. ज्या कारणांसाठी पोलिसांनी कोठडी मागितली आहे, त्याचा तपास करण्यासाठी पोलिसांकडे २ महिन्यांचा कालावधी होता, असं म्हणणंही त्यांनी न्यायालयापुढे मांडलं.