विद्यापीठ आणि महाविद्यालयातील शिक्षक अाता पीएचडीधारक असणं अनिवार्य अाहे. विद्यापीठ अनुदान आयोग (युजीसी) ने बुधवारी नवे नियम जाहीर केले असून, विद्यापीठामध्ये सहाय्यक प्राध्यापक या किमान श्रेणीतील पदावरील नियुक्तीसाठी नेट पात्रतेबरोबरच पीएचडी असणं बंधनकारक करण्यात अालं अाहे.
परदेशातून ५०० अव्वल विद्यापीठातून पीएचडी करणारे भारतीय देखील या पदासाठी पात्र ठरणार अाहेत. हे नवे नियम १ जुलै २०२१ पासून लागू होणार आहेत. याशिवाय महाविद्यालयातील शिक्षकांच्या थेट नियुक्त्यांसाठी सध्या असलेली नीट किंवा पीएचडीची पात्रता कायम राहणार आहे. केंद्रीय मनुष्यबळ विकास मंत्री प्रकाश जावडेकर यांनी या नियमांबद्दलची माहिती बुधवारी दिली.
शिक्षक भरतीच्या सन २०१० च्या नियमांनुसार मिळणारे सर्व प्रकारचे प्रोत्साहन भत्ते कायम ठेवण्यात आले आहेत. पण, अॅकॅडेमिक परफॉर्मन्स इंडिकेटर्सवर (एपीआय) आधारित कामगिरीच्या मूल्यमापनाची प्रणाली संपुष्टात आली अाहे. त्याऐवजी ग्रेडींग प्रणाली लागू करण्यात आली आहे.
शिक्षकही मार्गदर्शन करू शकतील आणि त्यांना आवश्यकतेनुसार सुविधा दिल्या जातील.
हेही वाचा -
स्कूल व्हॅनवर बंदी घालणं अशक्यच- उच्च न्यायालय
शाळांमध्ये दर महिन्याला होणार योगा