धो-धो कोसळणारा पाऊस... त्यात शनिवार-रविवारचा निवांत वेळ. अशा वातावरणात काही तरी गरमा-गरम होऊन जाऊदे, असं प्रत्येकाच्या तोंडून निघतं. मग ती भजी असो कबाब असो वा आणखी काही असो. फक्त अट एकच जे काही असेल ते स्वादिष्ट आणि चटपटीत असलं पाहिजे. मग हाच विचार करून मुंबईत 'मॉन्सून फेस्टिव्हल' आयोजित करण्यात आला आहे.
पावसाळा सुरू झाला की रस्त्यावरून जाताना कुठूनतरी गरम कांदाभजीचा वास दरवळतो. भूक लागली नसेल तरी आपसूक आपले पाय कांदा भजीचा आस्वाद घेण्यासाठी त्या स्टॉलकडे वळतातच. गरमागरम भजी खात गप्पांचा फड रंगतो तेव्हा पावसाचा आनंद वेगळाच असतो. पाऊस, भजी आणि चहा हे समीकरण तर आता फिक्स झालं आहे. पण आता हे समीकरण बदालायची आवश्यक्ता आहे. म्हणूनच मॉन्सून फेस्टिव्हलमध्ये तुम्हाला फक्त भजीच नाही तर मोमोज, मॅगी आणि कबाब या पदार्थांचा आस्वाद घ्यायची संधी मिळणार आहे. जवळपास २५ स्टॉल्स या फेस्टिव्हलमध्ये असणार आहेत.
कधी - ७ आणि ८ जुलै २०१८
वेळ - दुपारी ४ ते रात्री १२ पर्यंत
कुठे - फिनिक्स मार्केटसिटी, कुर्ला
हेही वाचा