उन्हाळ्याच्या सुट्ट्या सुरू झाल्या आहेत. त्यामुळे प्रत्येकाचे काही ना काही प्लॅन्स ठरलेले असतात. कुणी फॅमिलीसोबत तर कुणी मित्र मैत्रिणींसोबत वेकेशन्स प्लॅन करतं. पण वेकेशन्सला जाताना काय कपडे घालायचे? म्हणजे आपण कूल वाटू, हा देखील मोठा प्रश्न असतो. कारण आजकाल सोशल मीडियावर सर्वात कूल आपलेच फोटो असावेत असं सर्वांनाच वाटतं. म्हणूनच आजच्या तरूणाईसाठी ड्रेसिंग हा ट्रिपचा सर्वात मोठा आणि महत्वाचा भाग ठरत आहे. कूल म्हणजे काहीतरी फंकी अडकवून स्टाईल स्टेटमेंट बनत नाही. तर त्यासाठी तसा ड्रेसिंग सेन्सही असावा लागतो. अशाच काही कूल ड्रेसिंग स्टाईल्स जाणून घेऊयात.
जर तुमचा कोणत्या तरी बीचवर जाण्याचा प्लॅन असेल, तर पेस्टल कलर हा ऑप्शन तुमच्यासाठी योग्य असेल. अगदी हलक्या रंगाचे हे कपडे गरम वातावरणातही एकदम ‘कूल’ लूक देऊन जातात. त्यात यावर फ्लोरल प्रिंट, एखादी छानशी हॅट आणि कुल एविएटर सनग्लासेस एकदम झक्कास दिसतील.
काही ट्रॅव्हलर्स बीच ट्रीपच्या ऐवजी ट्रेकिंग किंवा अॅडव्हेंचर ट्रिप्सला जाण्यासाठी उत्सुक असतात. त्यांच्यासाठी खास कॅमोफ्लॉज प्रिंटचे कपडे हा पर्याय ठरू शकतो. मिलिटरी प्रिंट्सचे हे आऊटफिट तुम्हाला तुमच्या हटके डेस्टिनेशनला आणि ट्रिपला ‘राऊडी’ लूक देऊन जातात.
चेक्स हा तर सर्वांचाच ‘एनी टाईम फेव्हरेट’ ड्रेसिंग स्टाईल आहे. समर ट्रिपमध्ये चेक्स टॉप किंवा चेक्स शर्टसोबत कलर डेनिम हा हटके पर्याय आहे. एखादा गडद रंगाचा चेक्स शर्ट समरमध्ये तुम्हाला सेंटर ऑफ अट्रॅक्शनचा फील देईल!
समर कलेक्शनमध्ये मुलींसाठी खूप ऑप्शन्स आहेत. जसे की एखाद्या गडद डेनिम सोबतच लाईट रंगाचा डेनिम शर्ट किंवा वेगवेगळ्या प्रकारचे डेनिम टॉप्स आणि वन-पीस असे बेस्ट ऑप्शन्स ट्रीपसाठी तुम्ही निवडू शकता.
हेही वाचा