प्रभादेवी - मुंबईत सध्या मोकळा श्वास घेण्यासाठी जागाच उरलेली नाही. त्यात विकासकामं आणि प्रकल्पांच्या नावाखाली उद्यान आणि मैदानांवर गदा आणली जातेय. अशीच काहीशी स्थिती आहे प्रभादेवीच्या मैदान आणि उद्यानाची. इथं मेट्रो 3 या प्रकल्पासाठी नदूला मैदान आणि सानेगुरुजी मैदान बंद करण्यात आलाय. त्यामुळे नागरिकांमध्ये संतापाची लाट उसळीलय.
मुलांना खेळण्यासाठी, वृद्धांना बसण्यासाठी,मॉर्निंग वॉकसाठी असलेलं गार्डन आता काही दिवसांसाठी नाही तर तब्बल 5 वर्ष बंद राहणार आहे.
या मैदानासमोरच कॉन्व्हेंट गर्ल्स हायस्कूल आहे. तिथे जाण्यासाठी या मैदानाचा वापर केल्याशिवाय पर्याय नसतो. पण हे मैदान बंद झाल्यानं जायचं कुठून असा प्रश्न इथल्या रहिवाशांना पडलाय.