केंद्रीय अर्थमंत्री निर्मला सीतारामन यांनी गुरूवारी 1 लाख 70 हजार कोटी रुपयांच्या विशेष पॅकेजची घोषणा केली आहे. कोरोनाचा फैलाव होऊ नये म्हणून पंतप्रधान नरेंद्र मोदी यांनी संपूर्ण देशात लाॅकडाऊनची घोषणा केली आहे. या कालावधीत हातावर पोट असणाऱ्यांचे हाल होत आहेत. त्यांना दिलासा देण्यासाठी प्रधानमंत्री गरीब कल्याण योजने अंतर्गत या पॅकेजची घोषणा करण्यात आली आहे.
देशात कोणीही उपाशी राहणार नाही याची काळजी आम्ही सरकार म्हणून घेत आहोत असंही अर्थमंत्री निर्मला सीतारामन यांनी स्पष्ट केलं. गरीबांना पाच किलो गहू किंवा तांदूळ १ किलो डाळ मोफत मिळणार. पुढील तीन महिन्यांसाठी ही योजना असणार आहे. . देशातील ८० कोटी लोकांना या योजनेचा लाभ मिळणार आहे. आशा वर्कर, नर्सेस आणि आरोग्य विभागात काम करणाऱ्यांना ५० लाखांचं विमा संरक्षण देण्यात येणार असल्याचंही सीतारामन यांनी जाहीर केलं. देशभरातील २० लाख आरोग्य कर्मचाऱ्यांना या योजनेचा लाभ मिळणार आहे.
'हे' घेतले महत्वाचे निर्णय
Coronavirus Updates: १४ एप्रिलपर्यंत लोकल बंद