सरकारी मालकीच्या युनियन बँक ऑफ इंडियाने ३ बँकांच्या एकत्रिकरणाच्या प्रक्रियेत आणखी एक महत्त्वाचा टप्पा गाठला. आयटी एकत्रीकरणानंतर (इंटिग्रेशन), पूर्वीच्या आंध्र बँकेच्या सर्व शाखा (सेवा शाखा आणि विशेष शाखांसह) युनियन बँक ऑफ इंडियामध्ये पूर्णपणे एकत्रित झाल्या आहेत.
याआधी नोव्हेंबर २०२० मध्ये बँकेने पूर्वीच्या कॉर्पोरेशन बँकेसह आयटी इंटिग्रेशन प्रक्रिया पूर्ण केली आहे. या कामगिरीसह आंध्र आणि कॉर्पोरेशन बँकेच्या यूनियन बँक ऑफ इंडियामधील शाखांचं संपूर्ण आयटी एकत्रिकरण पूर्ण झालं आहे. पूर्वीच्या आंध्र आणि कॉर्पोरेशन बँकेचे सर्व ग्राहक विक्रमी वेळेत युनियन बँकेच्या सीबीएसमध्ये यशस्वीरित्या स्थानांतरीत झाले आहेत.
हेही वाचा- एल अँड टीला मिळालं बुलेट ट्रेनचं २५०० कोटींचं कंत्राट
या उपलब्धीसह बँकेने इंटरनेट बँकिंग, मोबाइल बँकिंग, युपीआय, आयएमपीएस, एफआय गेटवे, ट्रेझरी आणि स्विफ्ट या सेवा पूर्वीच्या आंध्र आणि कॉर्पोरेशन बँकेच्या ग्राहकांसाठी खुल्या केल्या असून याद्वारे ते युबीआयच्या शाखा आणि डिलिव्हरी चॅनल्सद्वारे अखंडपणे व्यवहार करू शकतील.
बँकेने यापूर्वीच एटीएम स्विच आणि एटीएम टर्मिनल सहजपणे युबीआय नेटवर्कमध्ये स्थलांतरीत केलं आहे. संपूर्ण स्थलांतर विक्रमी वेळेत पूर्ण झालं असून ग्राहकांना अत्यंत कमी गैरसोय सोसावी लागली. यात ग्राहकांच्या अकाऊंट नंबर, डेबिट कार्ड किंवा नेट बँकिंग क्रिडेन्शिअल्समध्येही कोणताही बदल करण्यात आला नाही.
(union bank complete merging process with andhra bank)
हेही वाचा- Apple आयफोन १२ सिरीजचं उत्पादन भारतात होणार?
Share
Tweet
