कोरोनाला गांभीर्याने घेऊ नका म्हणणारा डॉक्टर अडचणीत

कोरोना व्हायरसला गांभीर्याने घेऊ नका असे सांगत चुकीची माहिती पसरवणार्‍या डॉक्टरला महाराष्ट्र वैद्यकीय परिषदेने (एमएमसी) नोटीस पाठवली आहे. दादरमध्ये काम करणार्‍या या डॉक्टरचे नाव अनिल पाटील असे आहे. डॉ. अनिल पाटील यांनी काही मुलाखतींमध्ये कोरोनाला फार गांभीर्याने घेण्याची गरज नाही असे सांगत चुकीची माहिती दिली होती. याची दखल घेत एमएमसीने नोटीस पाठवून स्पष्टीकरण मागितले आहे.

 हेही वाचाः- Coronavirus: अतिरिक्त भाडे घेणाऱ्या खाजगी बसेसवर होणार कारवाई - अनिल परब

या नोटीसवर एमएमसीचे अध्यक्ष डॉ. शिवकुमउत्तुरे म्हणाले, एमएमसी नोंदणीकृत डॉक्टर राजआणि केंद्र सरकारने जारी केलेल्या शिफारशी आणि मार्गदर्शक सूचनांच्या विरोधात बोशकत नाही. आम्ही डॉ. पाटील यांच्याकडून स्पष्टीकरण पाठवले आहे. त्यावर समाधान झाल्यास एमएमसीच्या संबंधित कायद्यांनुसार गुन्हा दाखल करण्यात येईल. कोरोना व्हायरस पसरण्यास सुरुवात झाल्यापासून एमएमसीने नोटीस पाठवण्याचा हा पहिलाच प्रकार आहे. दरम्यान, आवश्यक ती पदवी नसतानाही पाटील स्वत:ला आयुर्वेदिक डॉक्टर का म्हणून घेतात यावरही एमएमसीने स्पष्टीकरण मागवले आहे. पाटील यांची नोंदणी एमएमसीकडे एमबीबीएस पदवीधारक म्हणून आहे. त्यामुळे यानुसारच व्यवसाय करायला हवा. पाटील यांनी काही मुलाखतींमध्ये आश्‍चर्यकारक दावे केले.

 हेही वाचाः- Coronavirus Updates: रेल्वे प्रवाशांचं स्क्रीनिंग करण्यासाठी राज्य सरकारची रेल्वेला विनंती

ते म्हणाले, हा कोरोना व्हायरस आणि त्याविषयीची भीती निर्थक आहे. हा व्हायरस उन्हाळ्यात टिकूच शकत नाही. कोरोना हे संकट नसून चीनची लहर आहे, ज्याचा उद्देश लस आणि मास्कची विक्री वाढवणे हा आहे. कोरोनाविषयी घाबरण्याची आवश्यकता नसल्याचे आपण लेखी द्यायला तयार असल्याचेही डॉ. पाटील म्हणाले होते. डॉ. पाटील यांची बेजबाबदार मुलाखत सोशल मीडियामध्ये चांगलीच व्हायरल झाली होती. त्यामुळे नागरिक ही मुलाखत पाहून स्वत:कडे दुर्लक्ष करू शकतात, अशी भीती प्रशासनाला आहे. कोरोना व्हायरसच्या बाबतीत एखाद्या डॉक्टरने चुकीची माहिती दिल्यास त्या बाबत कळवण्याचे आवाहन एमएमसीने केले आहे. डॉ. पाटील यांचे दादरमध्ये एक क्लिनिक असून ते स्वत:ला आयुर्वेदिक डॉक्टर असल्याचे सांगतात.