लाचखोर जीएसटी अधिक्षकावर गुन्हा

उत्पन्नापेक्षा जास्त बेहिशोबी मालमत्ताजवळ बाळगल्याप्रकरणी केंद्रीय अन्वेषन विभागानं (सीबीआय) जीएसटी अधिक्षकावरच गुन्हा दाखल केला आहे. शरदचंद्र स्वामिनाथन असं या जीएसटी अधिकाऱ्याचं नाव आहे. काही दिवसांपूर्वीच शरदचंद्र यांना लाचलुचपत विभागानं ५० हजार रुपयांची लाच घेताना अटक केली होती.

जानेवारी २०१८ मध्ये शरदचंद्र यांनी एका व्यक्तीकडं ५० हजार रुपये लाच मागितली होती. या प्रकरणी नोव्हेंबर २०१७ मध्ये तक्रारदारानं सीबीआयच्या सहसंचालकाकडं केलेल्या तक्रारीमुळं एकच खळबळ उडाली होती. शरदचंद्र यांना लाचलुचपत विभागानं अटक केली होती.

शरदचंद्र यांच्या चौकशीत उत्पन्नापेक्षा ४३ टक्के अधिक मालमत्ता त्यांच्या आणि त्यांच्या पत्नीच्या नावानं आढळून आली. त्यानुसार, सीबीआयनं त्याच्यासह त्याच्या पत्नीवर अटकेची कारवाई केली आहे. या प्रकरणी सीबीआयचे अधिकारी अधिक तपास करत आहेत.