अंडरवर्ल्ड डॉन छोटा शकीलच्या बहिणीचा मृत्यू

अंडरवर्ल्ड डॉन छोटा शकीलच्या लहान बहिणीचा बुधवारी दुपारी 3 च्या सुमारास हार्टअटैकने मृत्यू झाला आहे. फहमीदा आरिफ शेख उर्फ आपा (50) असे तिचे नाव असून ती मागील अनेक दिवसांपासून मीरारोड परिसरात रहात होती.

मीरारोड परिसरात फहमीदा ही तिचा नवरा आरिफ आणि मुलांसोबत रहात होती. आरिफचा प्राँपर्टी एजंटचा व्यवसाय आहे. बुधवारी दुपारी अचानक फहमीदाच्या छातीत दुखू लागल्याने तिला मुंबईच्या टूंगी रुग्णालयात दाखल केले. उपचारा दरम्यान फहमीदाचा  हार्टअटैकने मृत्यू झाल्याचे डाँक्टरांनी सांगितले. फहमीदाची कोरोनाची टेस्ट ही करण्यात आली असून तिचा रिपोर्ट येणं बाकी आहे. चार भावडांपैकी फहमीदा ही सर्वात छोटी असल्यामुळे घरात सर्वांची लाडकी होती. तिच्या अकाली मृत्यूची बातमी ऐकून शकिल भावूक झाला असल्याचे कळते. फहमीदा पूर्वी दुबईत रहात होती. माञ 2006 साली ती मुंबईत वास्तव्यास आली. पूर्वी छोटा शकील आणि त्याचे कुटुंब मुंबईच्या टेंकर मोहल्ला परिसरात रहात होते. 2011 साली शकिलच्या वडिलांचा जे.जे. रुग्णालयात मृत्यू झाला होता.

ट्रँव्हल एजंट ते अंडरवल्ड डाँन छोटा शकीलचा प्रवास

अंडरवल्ड डाँन दाऊदचा उजवा हात म्हणून ओळखला जाणारा छोटा शकील हा सध्या पाकिस्तानच्या कराचीत वास्तव्यास असल्याचे कळते. त्याच्यासोबत त्याचा भाऊ अनवर ही राहतो. छोटा शकील 60 च्या दशकात दक्षिण मुंबईच्या नागपाडा येथे ट्रॅव्हल एजन्सी चालवायचा, याच दरम्यान त्याची ओळख दाऊदशी झाली. दोघांच्या विचारात इतकी साम्यता होती की, पुढे दोघे ही एक माफिया म्हणून उदयास आले.  ते आजतागायत एकञ आहेत. दाऊदचा सर्वात महत्वाचा आणि विश्वासू म्हणून शकीलची ओळख आहे. 1988 मध्ये राष्ट्रीय सुरक्षा कायद्यांतर्गत अटक झाल्यानंतर छोटा शकीलने सुमारे चार महिने तुरूंगात घालवले. जामीन मिळताच तो दाऊदसह दुबईला पळून गेला. नंतर मार्च १ 1993 मध्ये या दोघांनी भारताच्या सर्वात मोठ्या दहशतवादी हल्ल्याची मुंबई सीरियलची योजना आखली आणि राबवली. जागतिक दबावामुळे ते दोघे सध्या पाकिस्तानात लपून बसले आहेेत.