सार्वजानिक रुग्णालयांच्या स्पर्धेत मुंबई महापालिकेचं केईएम रुग्णालय देशात अव्वल ठरलं आहे. याबाबतचा सर्व्हे ‘द वीक हंसा’ २०१८ मध्ये प्रसिद्ध झाला असून उत्कृष्ट खासगी रुग्णालयाच्या यादीत कोकिलाबेन अंबानी हॉस्पिटल आणि हिंदुजा हॉस्पिटलचा अनुक्रमे पाचवा आणि सहावा क्रमांक लागला आहे.
केईएम रुग्णालयाची स्थापना १९२६ वर्षी झाली असून सार्वजनिक रुग्णालयामधील केईएमचं नियंत्रण मुंबई महानगरपलिका करत आहे. या रुग्णालयात १८०० खाटा असून ३९० फिजिशयन, ५५० निवासी डॉक्टर असून १.८ मिलियन बाह्यरुग्ण तर अंतःरुग्णालयामध्ये ७८ हजार रुग्णांची काळजी घेण्यात येते.
उत्कृष्ट इमारत, व्यक्तिगत रुग्णसेवा, अत्याधुनिक उपकरणांच्या स्पर्धेत आजही खासगी हॉस्पिटल्सची चर्चा असते. मात्र, मुंबई महानगरपालिकेच्या सार्वजनिक किंग एडवर्ड मेमोरियल रुग्णालयाने ही प्रथा मोडित काढत देशातील उत्कृष्ट रुग्णालयांच्या यादीत केईएमची नोंद करण्यात आली आहे.
‘द वीक हंसा’ २०१८ रिसर्च सर्व्हे प्रसिद्ध करण्यात आला असून राष्ट्रीय स्तरावर केईएम रुग्णालयाला पाचवं स्थान मिळालं आहे. शासकीय रुग्णालयांच्या विभागात दर्जेदार सेवा आणि उत्तम सुविधा देणाऱ्या रुग्णालयांना सन्मानित करण्यात येत असून गेल्यावर्षीही केईएम रुग्णालयाने या यादीत पाचवं स्थान मिळवलं होतं. यंदाही ते स्थान टिकवून ठेवण्यात रुग्णालय प्रशासनाला यश आलं आहे.
केईएम हॉस्पिटलला देशातील उत्कृष्ट रुग्णालयांच्या यादीत पहिला क्रमांक मिळणं, ही अत्यंत अभिमानास्पद बाब आहे. हॉस्पिटलधील फॅकल्टी आणि सर्वांच्या कामाचं हे चीज आहे. सार्वजनिक रुग्णसेवेतील सरकारी हॉस्पिटल म्हणून केईएमचं नाव उत्कृष्टतेच्या यादीत राहणं फार महत्त्वाचं आहे.
- डॉ. हेमंत देशमुख, अधिष्ठाता, केईएम रुग्णालय
Share
Tweet
