खासदार नवनीत राणा यांनी लावलेले आरोप मुंबई पोलिसांनी फेटाळून लावले आहेत. नवनीत राणा यांना लॉकअपमध्ये असताना बिसलेरीचं पाणी देण्यात आलं, तसेच त्यांना अधिकाऱ्यांसाठी असलेल्या बाथरुमचा वापर करु दिला असा अहवाल मुंबई पोलिसांनी राज्य सरकारला दिला आहे.
मुंबई पोलिसांच्या सूत्रांनी सांगितलं की, खासदार नवनीत राणाशी संबंधित एक अहवाल मुंबई पोलिसांनी राज्य सरकारला पाठवला आहे. सांताक्रूझ इथल्या लॉकअपमध्ये पोलिसांनी पाणी दिले नाही, शौचालयास देखील जाऊ दिले नाही असा आरोप नवनीत राणा यांनी केला होता.
मात्र लॉकअपमध्ये असताना नवनीत राणा यांना प्यायला पाणी दिले होते. त्या वेळचे फोटोग्राफ्स देखील काढण्यात आले आहेत. इतकेच नाही तर लॉकअपच्या आवारात असलेल्या एका अधिकाऱ्याच्या केबिनमधील वॉशरुम देखील नवनीत राणा यांना वापरण्यासाठी दिले होते.
खासदार नवनीत राणा यांना लॉकअप मधील पाणी दिले, पण ते घेण्यास त्यांनी नकार दिला. त्यामुळे त्यांना पोलिसांनी बिसलेरी पाण्याची बॉटल दिल्याचं, तसंच चहा देखील दिल्याचं बोललं जातंय.
राणा दाम्पत्यांना अपमानास्पद वागणूक दिली जात असल्याचा आरोप करण्यात आला होता. आपण मागासवर्गीय असल्याने आपल्याला पाणी देण्यात आलं नाही, तसेच बाथरूमदेखील वापरु दिलं नसल्याचा आरोप खासदार नवनीत राणा यांनी केला होता.
हेही वाचा
Share
Tweet
