मुंबई रेल्वे विकास कॉर्पोरेशन (MRVC) ने घाटकोपर स्थानकात सुधारणा करण्याचे काम 2027 पर्यंत पूर्ण करण्याचे लक्ष्य ठेवले आहे. स्थानकात बदल करण्याचे काम सुरू असले तरी टप्पा-1 अंतर्गत डिसेंबर 2023 मध्ये सुरू झालेल्या कामाचा लाभ आता प्रवाशांना मिळू लागला आहे. काही काम रखडल्याने पालिकेचे शौचालय हटवण्यास विलंब होत आहे.

एमआरव्हीसीचे मुख्य जनसंपर्क अधिकारी (सीपीआरओ) सुनील उदासी म्हणाले, घाटकोपर स्थानक आधुनिक रेल्वे पायाभूत सुविधांचे मॉडेल बनवण्यासाठी आम्ही कटिबद्ध आहोत. फेज-2 चे काम सुरू आहे. डेडलाईन पूर्ण करण्यासोबतच प्रवाशांच्या सोयीलाही आम्ही प्राधान्य देत आहोत.

फेज-2 च्या कामांमध्ये हे समाविष्ट आहे:

• छत्रपती शिवाजी महाराज टर्मिनस (CSMT) आणि कल्याणच्या दिशेने 12 मीटर रुंद आणि 75 मीटर लांबीचे दोन फूट ओव्हर ब्रिज (FOB) बांधणे.
• प्लॅटफॉर्म-1 वर 300 मीटर लांब आणि 8 मीटर रुंद वेस्ट डेक. 
• पश्चिम डेकसाठी साइट क्लिअरन्स आणि डेक कॉलमसाठी पायल फाउंडेशनचे काम सुरू झाले आहे.

इतर सुधारणा कार्ये:

• प्लॅटफॉर्म-4 ते उत्तरेच्या सेवटी महापालिका FOB ला जोडणारा 4 मीटर रुंद स्कायवॉक.
• जीआरपी आणि इलेक्ट्रिकल रूमसाठी इमारत बांधण्यात येईल.
• पूर्वेकडील G+1 रचना, ज्यामध्ये तिकीट काउंटर आणि कार्यालये असतील.
• सहा जिने, चार डबल-डिस्चार्ज जिने, सात एस्केलेटर आणि तीन लिफ्ट असतील.

कामाची प्रगती:

• दक्षिण FOBचा पाया पूर्ण झाला आहे आणि स्तंभ आणि क्रॉस बीमचे बांधकाम प्रगतीपथावर आहे.
• नॉर्थ एफओबीच्या जुन्या बुकिंग ऑफिस पाडण्याचे काम पूर्ण झाले आहे.
• पश्चिम डेकसाठी पायल फाउंडेशनचे काम सुरू झाले आहे.
• इमारतीचे अंशत: बांधकाम व स्थलांतरण करण्यात आले आहे.

ही कामे टप्पा-1 मध्ये पूर्ण झाली:

• 75x12 मीटरचा एक FOB
• 15x45 मीटरचा पूर्व डेक
• चार काउंटर असलेले बुकिंग ऑफिस

अतिरिक्त वैशिष्ट्ये

• सहा एस्केलेटर बसवण्यात आले आहेत, जे 6 डिसेंबर रोजी कार्यान्वित करण्यात आले.
• पूर्वेकडील डेकच्या खाली दुचाकी पार्किंग आणि पूर्वेकडील दर्शनी भागाचे काम अंतिम टप्प्यात आहे.

हेही वाचा

मेट्रो-3चा दुसरा टप्पा जुलैमध्ये सुरू होण्याची शक्यता

महाराष्ट्रात बुलेट ट्रेनच्या कामाला वेग