कमाईत अक्षय कुमारने मागे टाकलं सलमानला, 'इतकी' आहे अक्षयची कमाई

फोर्ब्स या अमेरिकन मासिकाने भारतातील २०१९ मधील टाॅप १०० सेलिब्रिटींची यादी जाहीर केली आहे. यामध्ये भारतीय क्रिकेट संघाचा कर्णधार विराट कोहली पहिल्या स्थानावर आहे. विराटने या वर्षात तब्बल २५२.७२ कोटी रुपयांची कमाई केली आहे. तर यादीत दुसऱ्या स्थानावर अभिनेता अक्षय कुमार आहे. २०१९ मध्ये बॉलिवूड स्टारमध्ये सर्वाधिक कमाई करणारा अक्षय कुमार आहे. अक्षय कुमारने यंदा २९३.२५ कोटी रुपयांची कमाई केली आहे. 

अक्षय कुमारचे उत्पन्न विराट कोहलीपेक्षा अधिक आहे. मात्र, या यादीत विराट कोहली पहिल्या स्थानावर आहे. कमाई आणि प्रसिद्धीच्या आधारे फोर्ब्सने ही यादी तयार केली आहे. कमाईमध्ये अक्षय कुमार पुढे असला तर प्रसिद्धीमध्ये विराटने अक्षयला मागे टाकलं आहे. त्यामुळे फोर्ब्सच्या यादीत विराटला पहिलं स्थान मिळालं आहे. या यादीत २२९.२५ कोटींची कमाई करणारा सलमान खान तिसऱ्या स्थानावर आहे. सलमान खान २०१६ मध्ये या यादीत पहिल्या स्थानावर होता. बॉलिवूडचे शहेनशहा अमिताभ बच्चन या यादीत चौथ्या स्थानावर आहे. त्यांची या वर्षातली कमाई २३९.२५ कोटी रुपये आहे. शाहरुख खान सहाव्या तर रणवीर सिंग सातव्या स्थानावर आहे.