मुख्यमंत्री देवेंद्र फडणवीस यांच्या वर्षा बंगल्याचं साडेसात लाखांचं पाणी बिल थकलं आहे. त्यामुळं मुंबई महापालिकेनं मुख्यमंत्र्यांचा वर्षा बंगला डिफॉल्टर यादीत टाकला आहे. तसंच, केवळ मुख्यमंत्रीच नसून इतर मंत्र्यांनी देखील पाण्याचं बिल थकवलं आहे. एकूण १८ मंत्र्यांनी पाण्याचं बिल भरलेलं नसून, या बिलाची एकूण रक्कम ८ कोटी असल्याची माहिती आरटीआयमधून समोर आली आहे.
माहिती अधिकार कार्यकर्ते शकील अहमद शेख यांनी मुंबई महापालिकेकडून पाणी बिल थकबाकीदारांची माहिती मिळवली होती. मिळालेल्या माहितीनुसार, मुख्यमंत्र्यांच्या वर्षा बंगल्याचं ७ लाख ४४ हजार ९८१ रुपये पाणी बिल थकलं आहे. तर इतर नेत्यांच्या पाणी बिलाची रक्कम एकत्र केली तर ती ८ कोटीच्या घरात जाते आहे.
एवढ्या मोठ्या प्रमाणावर बिल थकलेलं असून देखील मुंबई महापालिका कारवाई का करत नाही हा प्रश्न आता उपस्थित होतं आहे. दरम्यान, मुंबईकरांनी पाण्याचं बिल थकवल्यास महापालिकेकडून त्यांच्यावर कठोर कारवाई करण्यात येते. अनेकदा पाणीही बंद करण्यत येतं. त्यामुळं आता महापालिका मंत्र्यांनवर काय कारवाई करणार हे पाहणं महत्वाचं ठरणार आहे.
मुख्यमंत्री देवेंद्र फडणवीस,
वर्षा निवासस्थान
थकबाकी - ७ लाख ४४ हजार,
९८१ रूपये.
सुधीर मुनगंटीवार,
अर्थमंत्री,
देवगिरी निवासस्थान
थकबाकी -
१ लाख ६१ हजार ५५ रुपये.
विनोद तावडे,
सांस्कृतिक मंत्री,
सेवासदन निवासस्थान
थकबाकी -
१ लाख ६१ हजार,
७१९ रुपये.
पंकजा मुंडे,
महिला आणि बालविकास मंत्री,
रॉयलस्टोन निवासस्थान
थकबाकी - ३५ हजार ३३ रुपये.
दिवाकर रावते,
परिवहन मंत्री,
मेघदूत निवासस्थान
थकबाकी - १ लाख ५ हजार ४८४ रुपये.
सुभाष देसाई,
उद्योगमंत्री,
पुरातन निवासस्थान
थकबाकी - २ लाख ४९ हजार २४३ रुपये.
एकनाथ शिंदे,
सार्वजनिक बांधकाम,
नंदनवन निवासस्थान
थकबाकी - २ लाख २८ हजार ४२४ रुपये.
चंद्रशेखर बावनकुळे,
उर्जामंत्री,
जेतवन निवासस्थान
थकबाकी - ६ लाख,
१४ हजार ८५४ रुपये.
महादेव जानकर,
पशुसंवर्धन मंत्री,
मुक्तागिरी निवासस्थान
थकबाकी - १ लाख ७३ हजार ४९७ रुपये.
ज्ञानेश्वरी निवासस्थान
थकबाकी - ५९ हजार ७७८ रुपये.
सह्याद्री अतिथीगृह
थकबाकी - १२ लाख,
४ हजार ३९० रूपये.
हेही वाचा -
मध्ये रेल्वेच्या ढिसाळ कारभाराविरोधात प्रवासी संघटना करणार आंदोलन
Share
Tweet
