घोडबंदर रोडवरील खड्ड्यांमुळे नागरिकांना प्रचंड वाहतूक कोंडीचा सामना करावा लागत आहे. यामुळे नागरिकांकडून नाराजी व्यक्त केली जात आहे. यावर महाराष्ट्राच्या सार्वजनिक बांधकाम विभागाच्या (PWD) एका अधिकाऱ्याने दिलेल्या माहितीनुसार, खड्डेमय घोडबंदर रोड, येत्या आठ ते 10 दिवसांत दुरुस्त करू, असे आश्वासन दिले आहे. 

अधिकारी म्हणाले की, “आम्ही दररोज आणि गरजेनुसार दुरुस्तीचे काम करत आहोत. “आम्ही या विभागातील दुरुस्तीचे काम येत्या आठ ते दहा दिवसांत पूर्ण करण्याचे आमचे ध्येय आहे. काँक्रीट रस्त्याला यापूर्वीच मंजुरी देण्यात आली असून, वर्क ऑर्डरही देण्यात आली आहे. लवकरच बांधकाम सुरू होईल.''

घोडबंदर रोड, विशेषत: कापूरबावडी ते फाउंटन हॉटेलपर्यंतचा 14 किमीचा रस्ता, देखभाल आणि दुरुस्तीच्या कामासाठी PWD च्या अखत्यारीत येतो. दर चार महिन्यांनी रस्त्याच्या दुरवस्थेबद्दल रहिवाशांनी तक्रारी केल्या आहेत. ज्यामुळे वाहने खराब होतात, विशेषतः घाट परिसरात, परिणामी वारंवार वाहतूक कोंडी होते.

सुमारे महिनाभरापूर्वी घोडबंदर रोडवरील वारंवार होणारी वाहतूक कोंडी, खड्डेमय समस्या आणि अपुरी पथदिवे यामुळे हैराण झालेल्या स्थानिक रहिवाशांनी जस्टिस फॉर घोडबंदर रोड नावाचा ग्रुप स्थापन केला. ग्रुप आवश्यकतेनुसार वाहतूक व्यवस्थापनास मदत करतो आणि रहिवाशांना दुरुस्तीच्या कामाच्या प्रगतीबद्दल माहिती देतो. समूहाच्या प्रमुख सदस्यांपैकी एक असलेल्या श्रद्धा राय म्हणाल्या, रहिवासी नियोजित केलेल्या कामावर बारकाईने लक्ष ठेवतील.

ठाणे महानगरपालिका (TMC), PWD आणि वाहतूक पोलिस यांच्यातील रहिवासी आणि अधिकारी यांच्यात नुकतीच एक बैछक झाली. बैठकीनंतर, रस्त्यावर अतिरिक्त वाहतूक वॉर्डन तैनात करण्यात आले आणि गणपती उत्सवादरम्यान अवजड वाहनांना प्रतिबंध करण्यात आला.

मात्र, हा तात्पुरता उपाय असल्याचे रहिवाशांचे म्हणणे आहे. या उपाययोजना करूनही खड्ड्यांमुळे तीन ते चार गाड्या आधीच मोडकळीस आल्याचे त्यांनी निदर्शनास आणून दिले. त्यामुळे अवजड वाहने आली असती तर वाहतूक कोंडी आणखी वाढली असती. खड्ड्यांचा मूळ प्रश्न सोडवल्याशिवाय वाहतूक प्रभावीपणे कशी कमी करता येईल, असा सवाल रहिवाशांनी केला.

गेल्या आठवड्यात टीएमसी आयुक्त सौरभ राव यांनीही बैठकीला हजेरी लावली. बैठकीदरम्यान, रहिवाशांनी घोडबंदर रोडवरील जड वाहनांच्या वेळा, खराब झालेली रस्त्यांची स्थिती, अनधिकृत पार्किंग आणि रस्त्यावरील विक्रेत्यांची उपस्थिती यासह अनेक समस्या त्यांच्यापुढे मांडल्या. याचा कार्यालयीन कर्मचारी आणि शाळकरी मुले या दोघांवर परिणाम होतो, असंही रहिवासी म्हणाले.

"आयुक्तांनी या समस्या मान्य केल्या आणि तत्काळ कारवाईची योजना आखली," TMC अधिकाऱ्याने सांगितले. “काम आधीच सुरू झाले आहे; ते टप्प्याटप्प्याने होईल. गणपती विसर्जनाच्या दिवसापूर्वी खड्डे दुरुस्त केले जातील, तसेच फलक, लेन मार्किंग आणि उड्डाणपुलाच्या स्थितीत तातडीने सुधारणा करण्यात येतील, असे आश्वासन त्यांनी दिले.

हेही वाचा

मरोळमध्ये अत्याधुनिक फिश मार्केट उभारण्यात येणार

धारावी पुनर्विकासाचे भूमिपूजन रद्द