महाराष्ट्र विधानसभेला संबोधित करताना, उपमुख्यमंत्री अजित पवार यांनी घोषणा केली की, रायगडमध्ये लवकरच राष्ट्रीय आपत्ती प्रतिसाद दल (NDRF) बेस कॅम्प उभारण्यात येणार आहे.
सोमवारी विधानसभेत राज्यात अतिवृष्टीमुळे निर्माण झालेल्या गंभीर परिस्थितीवर झालेल्या चर्चेदरम्यान ही घोषणा करण्यात आली. संततधार पावसामुळे उद्भवलेल्या आपत्कालीन परिस्थितीला तोंड द्यावे लागत असताना सरकार एकूण परिस्थितीवर बारकाईने लक्ष ठेवून आहे आणि बाधित भागात तातडीने मदत साहित्य पाठवत असल्याची ग्वाही अजित पवार यांनी दिली.
अजित पवार यांनी ट्विट केले की, "अनेक ठिकाणी मुसळधार पाऊस पडला आहे, सरकार प्रत्येक बाबींवर बारीक लक्ष ठेवून आहे. प्रशासनाला जागरूक राहण्याची सूचना देण्यात आली आहे. आपत्तीग्रस्तांना सुरक्षित ठिकाणी नेले जात आहे, त्यांच्या मुक्कामाची व्यवस्था केली जात आहे आणि अन्नधान्यही पुरवले जात आहेत.
ते पुढे म्हणाले, "रत्नागिरी, रायगड जिल्हा तसेच सह्याद्रीच्या डोंगराळ प्रदेशात वारंवार नैसर्गिक आपत्तींना सामोरे जावे लागत आहे, हे लक्षात घेऊन आपत्तीच्या काळात सरकार प्रत्येक नागरिकाच्या पाठीशी खंबीरपणे उभे राहील. रायगड जिल्ह्यातील प्रस्तावित एनडीआरएफ बेस कॅम्प रायगड जिल्ह्यातच असेल याची राज्य सरकार खात्री करेल, आवश्यक ती कार्यवाही केली जाईल."
हेही वाचा
Share
Tweet
