मध्य रेल्वेने (central railway) गुरुवारी ठाणे स्थानकावरील प्लॅटफॉर्म क्रमांक 1 च्या बाहेर एक बॅनर लावला होता. या बॅनरद्वारे नागरिकांना बांधकामाची (construction) माहिती देण्यात आली होती. या प्रकल्पाचा एक भाग म्हणून, मायक्रो-टनेलिंग आणि पाईप-पुशिंग ऑपरेशन्स केले जात आहेत.
या कामामुळे, ठाणे (thane) रेल्वे स्थानकावरील प्लॅटफॉर्म क्रमांक 1 जवळ सायकल, ऑटो आणि टॅक्सींना प्रवेश दिला जाणार नाही. तथापि, बॅनरमध्ये हे बांधकाम पूर्ण होण्याची वेळ ही नमूद केलेली नाही.
छत्रपती शिवाजी महाराज टर्मिनसच्या दिशेने जाणाऱ्या (सीएसटी) ट्रेन प्लॅटफॉर्म क्रमांक 1 वरून सुटतात. त्यामुळे प्लॅटफॉर्म क्रमांक 1 विशेषतः महत्त्वाचा भाग आहे. गर्दीच्या वेळी, या प्लॅटफॉर्मवर प्रवाशांची मोठी गर्दी असते.
ठाणे स्थानक हे मध्य रेल्वेवरील सर्वात व्यस्त स्थानकांपैकी एक आहे. मध्य रेल्वे वारंवार विविध विकास प्रकल्प हाती घेत आहे. सध्या, मायक्रो-टनेलिंग आणि पाईप-पुशिंगचे काम सुरू करण्यात आले आहे. यामुळे रस्त्याचा वापर रोखण्यात आला आहे.
"हे काम ठाणे महानगरपालिका (thane municipal corporation) सोबतच्या सहकार्याने स्टेशन एरिया ट्रॅफिक इम्प्रूव्हमेंट स्कीम (SATIS) अंतर्गत पूर्वेकडील भागात मल्टी-मॉडल ट्रान्झिट हब स्थापन करण्याच्या उपक्रमाचा एक भाग आहे," असे एका अधिकाऱ्याने सांगितले.
RLDA नुसार, या योजनेत प्लॅटफॉर्म 10A जवळ 9,000 चौरस मीटर जागेवर 11 मजली व्यावसायिक इमारतीचे बांधकाम (टॉवर-1) समाविष्ट आहे.
या इमारतीत पार्किंग आणि सेवांसाठी तळघर, रेल्वेशी संबंधित सुविधांसाठी ग्राउंड आणि मेझानाइन लेव्हल, बस ऑपरेशन्ससाठी कॉन्कोर्स लेव्हल आणि व्यावसायिक कामांसाठी आठ मजले बांधण्यात येतील.
हेही वाचा
Share
Tweet
