मुंबईमधील (mumbai) अर्थर रोड कारागृहात 1996 मध्ये दाऊद इब्राहिम टोळीतील गुंड व छोटा राजन टोळीतील गुंड न्यायालयीन कोठडीत होते. दोन्ही टोळ्यांमधील (gang) गुंडांनी कारागृहात हाणामारी करून परस्परांना ठार मारण्याचा प्रयत्न केला होता.

त्याप्रकरणी कुख्यात गुंड (gangster) दाऊद इब्राहिम, छोटा शकील टोळीच्या गुंडांविरोधात ना. म. जोशी मार्ग (n m joshi marg) पोलीस ठाण्यात भादंवि कलम 143, 147, 148, 149, 324, 307 कलमांतर्गत हत्येच्या प्रयत्नाचा गुन्हा दाखल करण्यात आला होता.

अटक आरोपी प्रकाश रतीलाल हिंगु (63) त्यावेळी अंधेरी येथील जुहू लेन परिसरात राहत होता. याप्रकरणी जामीन मिळाल्यानंतर आरोपी न्यायालयीन प्रक्रियेसाठी गैरहजर राहू लागला. त्यानंतर न्यायालयाने आरोपीला फरार घोषित केले होते.