मुंबई पोलिसांच्या ट्वीटर हँडलला टॅग करत धमकी देण्यात आली आहे. पोस्टमध्ये धमकी देणाऱ्याने असं लिहिलं आहे की “मी लवकरच मुंबईत स्फोट घडवणार आहे.” सध्या पोलिसांनी या प्रकरणी तपास सुरु केला आहे.
ही पोस्ट २२ मे रोजी सकाळी ११ च्या सुमारास करण्यात आल्याचं मुंबई पोलिसांनी म्हटलं आहे.
धमकीचे ट्विट केल्यानंतर एका दिवसातच मुंबई पोलिसांनी गुन्हेगाराला अटक केली आहे. त्याचे लोकेशन मुंबईपासून ६२५ किमी अंतरावर असलेल्या नांदेडमध्ये असल्याचे समजले.
सोमवारी, 22 मे रोजी मुंबई पोलिसांच्या अधिकृत ट्विटर अकाऊंटवर ट्विट करण्यात आल्याने ही धमकी देण्यात आली.
“पोलिसांनी त्या व्यक्तीची ओळख पटवली असून त्याला चौकशीसाठी ताब्यात घेतले आहे,” अशी बातमी एएनआय या वृत्तसंस्थेने ट्विटरवर दिली.
मुंबई पोलिसांच्या सोशल मीडिया टीमने ही पोस्ट पाहताच संबंधित पोलिस ठाण्याला याविषयी माहिती दिली. या प्रकरणी अज्ञात व्यक्ती विरोधात एफआयआर नोंदवून तपास सुरु करण्यात आला आहे. ज्या ट्वीटर हँडलवरुन ही धमकी दिली गेली त्या ट्वीटर हँडलचीही चौकशी केली जाते आहे.
रविवारीही अशाच प्रकारचा एक फोन आला होता. ज्यामध्ये बोलणाऱ्या अज्ञात इसमाने आपण राजस्थानवरुन बोलत असल्याचं सांगितलं होतं आणि २६/११ चा दहशतवादी हल्ला असा उल्लेख करत फोन कट केला होता. त्या कॉलरचाही शोध सुरु आहे. त्यात आता ट्वीटवरुन ही धमकी देण्यात आली आहे.
हेही वाचा
Share
Tweet
