वसईत विसर्जनासाठी 'तलाव आपल्या घरी' संकल्पना

कोरोनाच्या पार्श्वभूमीवर यंदा साध्या पद्धतीने गणेशोत्सव साजरा रण्यात येत आहे. गणेश विसर्जनावेळी गर्दी होऊ नये म्हणून सरकारकडून नियमावलीही जारी करण्यात आली आहे. विसर्जनासाठी वसईत आता अनोखी संकल्पना राबवण्यात येत आहे.  वसईत गणेश विसर्जनासाठी ‘तलाव आपल्या घरी’ ही संकल्पना राबवली जात आहे.

गणपती विसर्जनस्थळावर गर्दी होऊन कोरोनाचा प्रादुर्भाव वाढू नये यासाठी बहुजन विकास आघाडीचे अध्यक्ष आमदार हितेंद्र ठाकूर, आमदार क्षितिज ठाकूर यांच्या संकल्पनेतून वसई तालुक्यात ७२ कृत्रिम फिरत्या तलावांची व्यवस्था करण्यात आली आहे. सर्व कृत्रिम फिरते तलाव वाहनांवर सज्ज झाले आहेत.