वाहनचालकांना मोठा दिलासा देत, महाराष्ट्र सरकारने शिवडी-न्हावा शेवाला जोडणाऱ्या अटल सेतू पुलाच्या टोल सवलतीला एक वर्षासाठी मुदतवाढ देण्याची घोषणा केली आहे.
राज्य मंत्रिमंडळाने मंगळवार, 28 जानेवारी रोजी या टोल सवलतीला मुदतवाढ दिली.
सुरुवातीला, 21.8 किमी लांबीच्या सहा पदरी ट्रान्स हार्बर पुलासाठी टोल 500 रुपये निश्चित करण्यात आला होता. तथापि, राज्य सरकारने एका वर्षाच्या कालावधीसाठी 250 रुपये सवलत दिली होती. आता ही सवलत डिसेंबर 2025 पर्यंत कायम राहील.
मुंबई महानगर प्रदेश विकास प्राधिकरणाने (एमएमआरडीए) माहिती अधिकार अर्जात उघड केलेल्या माहितीनुसार, देशातील सर्वात लांब सागरी पूल, मुंबई ट्रान्स हार्बर लिंक, जो शहराला रायगड जिल्ह्याशी जोडतो. उद्घाटन झाल्यापासून सुमारे साडेतीन महिन्यांत 22 कोटी रुपयांहून अधिक टोल वसूल केला आहे.
अहवालानुसार, 12 जानेवारी ते 23 एप्रिल 2024 दरम्यान अटल सेतूवरून एकूण 11,07,606 वाहने गेली, ज्यामुळे या कालावधीत 22.57 कोटी रुपये टोल वसूल झाला.
एकूण 10 लाखांहून अधिक वाहने कार/जीप/व्हॅन होती, तर उर्वरित मिनी-बस आणि मल्टी-एक्सल वाहने होती.
पुलाचा वापर करणाऱ्या कार, जीप आणि व्हॅनने सर्वाधिक 20 कोटी रुपयांपेक्षा जास्त महसूल मिळवला, असे त्यात म्हटले आहे.
मुंबई शहराला नवी मुंबईशी जोडणाऱ्या अटल सेतूचे अधिकृत उद्घाटन 12 जानेवारी 2024 रोजी पंतप्रधान नरेंद्र मोदी यांच्या हस्ते झाले.
हेही वाचा
Share
Tweet
