मेट्रो २ अ (दहिसर ते डीएन नगर) मधील डहाणूकरवाडी ते आनंद नगर आणि मेट्रो ७ (दहिसर पूर्व ते अंधेरी पूर्व) मधील दहिसर ते आरे अशा पहिल्या टप्प्यातील मार्गिकेचे काम पूर्ण झाले आहे. मार्च अखेरीस या मार्गीकेसाठी सुरक्षा प्रमाणपत्र मिळण्याची शक्यता आहे.
मुंबई मेट्रोपॉलिटन रिजन डेव्हलपमेंट अथॉरिटी (MMRDA)नं सांगितलं की, यामुळे एप्रिलच्या मध्यापर्यंत दोन्ही कॉरिडॉर कार्यान्वित होण्याचा मार्ग मोकळा होईल. कोणत्याही मेट्रो कॉरिडॉरसाठी, रेल्वे सुरक्षा आयुक्त (CRS) द्वारे तपासणी केल्यानंतर सुरक्षा प्रमाणपत्र दिले जाते.
सीएमआरएसचे पथक मुंबईत दाखल झाले असून त्यांनी दोन्ही मार्गिकांवरील पहिल्या टप्प्यातील सुरक्षा चाचणीला सुरुवात केल्याची माहिती महानगर आयुक्त एस.व्ही.आर. श्रीनिवास यांनी दिली.
मेट्रो २ अ आणि ७ मार्गिका खुला करण्याच्यादृष्टीने शनिवारपासून या दोन्ही मार्गिकांवरील पहिल्या टप्प्यातील सुरक्षा चाचणीला सुरुवात झाली.
या सुरक्षा चाचणीअंतर्गत रूळ, सिग्नल यंत्रणा आणि इतर तांत्रिक बाबींची पाहणी तसेच तपासणी केली जाणार आहे. सध्या एक पथक तपासणी, पाहणी करीत आहे. शनिवार, रविवार अशी ही पाहणी असेल. त्यानंतर दुसरे पथक येईल आणि त्यांच्याकडून ही प्रक्रिया पुढे नेली जाईल. किमान आठवडाभर ही चाचणी सुरू राहील असेही श्रीनिवास यांनी सांगितले.
चाचणी पूर्ण झाल्यानंतर सीएमआरएसच्या काही सूचना असतील, बदल असतील तर त्यानुसार यंत्रणेत सुधारणा करून घेण्यात येईल.
मेट्रो 2A चा पहिला टप्पा दहिसर ते डहाणूकरवाडी दरम्यान आहे. त्याचप्रमाणे मेट्रो 7 कॉरिडॉर दहिसर ते आरे कॉलनी दरम्यान असेल. एकीकडे मेट्रो 2A कॉरिडॉर दहिसर पूर्व ते अंधेरीतील डीएन नगर लिंकिंग रोडमार्गे पसरेल. तर मेट्रो 7 कॉरिडॉर दहिसर पूर्व ते अंधेरी पूर्व दरम्यान पश्चिम द्रुतगती महामार्गावरील मेट्रो 2A कॉरिडॉरला समांतर धावेल.
एमएमआरडीए आगामी दोन मेट्रो कॉरिडॉरच्या मेट्रो स्थानकांच्या बाहेरून प्रवाशांना सायकली भाड्यानं देण्याची योजना आखत आहे.
एमएमआरडीएच्या अधिकाऱ्यांनी भाड्यानं सायकली देणाऱ्या कंपन्यांशी चर्चा सुरू असल्याचं सांगितलं आहे. त्यासाठी प्रत्येक मेट्रो स्टेशनच्या बाहेर एक ठराविक जागा ठेवण्याचा त्यांचा विचार आहे.
हेही वाचा
Share
Tweet
