विशेषत: गर्दीच्या वेळी बेस्ट बसेसची (best bus) सेवा अपुरी पडत आहे. त्यामुळे बेस्ट बसच्या प्रतिक्षेसाटी प्रवाशांच्या (passangers) रांगाही वाढत आहेत. यामुळे मुंबईच्या (mumbai) सार्वजनिक वाहतूक व्यवस्थेला गंभीर संकटाचा सामना करावा लागत आहे.

सध्या, चालू बसेसची संख्या 3,000 च्या खाली गेली आहे. मंगळवारपर्यंत केवळ 2,926 बस रस्त्यावर धावत होत्या. ज्यात भाडेतत्त्वावरील बसेसचा समावेश आहे.

भाडेतत्त्वावरील पुरवठादाराने 12 ऑक्टोबर रोजी सेवेतून 280 बसेस मागे घेतल्या होत्या. यामुळे परिस्थिती आणखीनच बिकट झाली.  ज्यामुळे आधीच ताणलेली व्यवस्था आणखीनच वाढली.

मुंबईच्या बससेवेची जबाबदारी असलेली संघटना दैनंदिन 3.5 दशलक्ष प्रवाशांच्या मागण्या पूर्ण करण्यासाठी धडपडत आहे.

सूत्रांनी दिलेल्या माहितीनुसार, बेस्टने (best) कंत्राटदारांची कोट्यवधी रुपयांची देयके रोखून धरली आहेत. ज्यामुळे 12 ऑक्टोबरपासून 280 बसेस मागे घेण्याचा कंत्राटदाराने निर्णय घेतला होता. "भाडेतत्त्वावरील बस पुरवठादाराने वाढत्या देखभाल खर्चाचाही उल्लेख केला आहे. ज्यामुळे बसेसमध्ये जास्त गर्दी झाल्याने ताण वाढला आहे. 

एका युनियन नेत्याने सांगितले की, 5,000 हून अधिक नवीन बसेसची ऑर्डर देऊनही, वास्तविकरित्या वितरणात लक्षणीय घट झाली आहे. बसेसचा ताफा आता 3,000 पेक्षा कमी झाला आहे.

ज्यात भाडेतत्त्वावरील बसेसचा समावेश आहे. 2023-2024 या आर्थिक वर्षाच्या अखेरीस बेस्टचा ताफा 5,000 पर्यंत वाढवण्याचे उद्दिष्ट होते. परंतु कमी पुरवठ्यामुळे या योजनांना अपयश आले आहे.

या परिस्थितीमुळे प्रवाशांची नाराजी वाढत आहे. काही मार्गांवर बसेसना विलंब होत असल्याने प्रवाशांना अर्धा तासाहून जास्तवेळ प्रतिक्षा करावी लागत आहे. 

साकीनाका येथील प्रवाशांनी अशीच चिंता व्यक्त केली आणि प्रशासनाला बसेसचे नियोजन सुधारण्याचे आवाहन केले आहे. बेस्ट प्रवासी रमेश झगडे म्हणाले, “प्रशासनाने पुरवठा प्रक्रियेवर लक्ष ठेवणे आवश्यक आहे.

बेस्टच्या अधिकाऱ्यांनी या विलंबाला वाहतूक कोंडीचे कारण दिले असले तरी परिवहन तज्ज्ञांचे म्हणणे आहे की कमी होत चाललेल्या बसचा ताफा हेत खरे कारण आहे. "कमी बसेस उपलब्ध असल्याने यंत्रणेवर दबाव वाढत आहे," असे एका वाहतूक तज्ज्ञाने सांगितले.

हेही वाचा

माहिममधून अमित ठाकरेंविरोधात उद्धव ठाकरेंनी उतरवला 'हा' शिलेदार

महायुतीत भाजप आणि महाविकास आघाडीत काँग्रेस वरचढ?