घरगुती गॅस सिलेंडरची चोरी रोखण्यासाठी आणि ग्राहकांची योग्य ओळख पटवण्यासाठी १ नोव्हेंबरपासून सिलेंडरच्या बुकिंग आणि डिलिव्हरीचे नवीन नियम लागू करण्यात आले आहेत. या नवीन प्रणालीला डिलिव्हरी ऑथेंटिकेशन कोड (DAC) असं नाव दिलं आहे.
या नियमानुसार, सिलेंडर बुक केल्यानंतर तुमच्या रजिस्टर्ड फोन क्रमांकावर एक कोड पाठवला जाईल. डिलिव्हरी बॉय तुमच्या सिलेंडरची डिलिव्हरी घेऊन आल्यावर तुम्हाला त्याला कोड सांगावा लागेल. त्यानंतरच तु्म्हाला सिलेंडरची डिलिव्हरी दिली जाईल.
सिलेंडर बुकिंग आणि डिलिव्हरीचे नवे नियम १०० स्मार्ट सिटीमध्ये लागू करण्यात आले आहेत. त्यानंतर आता हळूहळू सर्वच शहरांमध्ये हे नवे नियम लागू करण्यात येणार आहेत. ही यंत्रणा प्रायोगिक तत्वावर जयपूरमध्ये राबवण्यात आली. प्रायोगिक तत्त्वावर सुरू करण्यात आलेल्या यंत्रणेला ९५ टक्क्यांपेक्षा अधिक यश मिळाले आहे. ही योजना फक्त घरगुती वापराच्या सिलेंडरकरता लागू करण्यात आली आहे.
ग्राहकाने वितरकाकडे त्याचा मोबाईल नंबर अपडेट केला नसेल तर गॅस एजन्सीच्या कर्मचाऱ्याकडे असलेल्या ऍपच्या मदतीने तात्काळ तुमचा मोबाइल क्रमांक अपडेट करू शकता. त्यानंतर तुम्हाला लगेच कोड मिळेल. पत्ता किंवा मोबाइल क्रमांक चुकीचा असलेल्या ग्राहकांची एलपीजी गॅस सिलेंडरची डिलिव्हरी थांबवली जाऊ शकते.
मुंबईतील ४३ हजार इमारती टाळेबंदीतून मुक्त
मध्य व पश्चिम मार्गावरील लोकल फेऱ्यांमध्ये वाढ
Share
Tweet
