मिरा-भाईंदर शहरात (Mira-Bhayandar) रविवारी कोरोनाचे (Coronavirus) १० नवीन रुग्ण आढळून आले आहेत. मिरा-भाईंदर महानगरपालिकेने (MBMC) दिलेल्या माहितीनुसार कोरोनामुळे रविवारी एका व्यक्तीचा मृत्यू देखील झाला आहे.
त्यामुळे मिरा-भाईंदर शहरात आतापर्यंत COVID-19 चे एकूण ४९९ पाॅझिटिव्ह रुग्ण आढळून आले आहेत. तर कोरोनामुळे आतापर्यंत एकूण १५ जणांना आपला जीव गमवावा लागला आहे. रविवारी ६ कोरोनाबाधित रुग्ण बरे होऊन घरी परतले. एकूण ३०३ जणांना घरी सोडण्यात आलं आहे.
कोरोना व्हायरच्या वाढत्या प्रादुर्भावामुळे मिरा-भाईंदर महानगरपालिके (MBMC) ने महापालिका शहरात २२ मे पर्यंत पूर्णत: लाॅकडाऊन ठेवला होता. त्यानंतर त्यात सवलत देऊन दुकानांच्या वेळा निश्चित केल्या. जेणेकरून सोशल डिस्टन्सिंगच्या माध्यमातून गर्दी टाळता येईल.
मिरा-भाईंदर महापालिका आयुक्त चंद्रकांत डांगे यांच्या निर्देशानुसार शहरातील दुकाने पुढील वेळेत बंद/ सुरू राहतील.
| आस्थापना | वेळ |
|---|---|
| मासळी, मटण/चिकन विक्री करणारी स्थायी आस्थापनेतील दुकाने | २१/५/२०२० रात्री १२.०० वाजेपासून २६/५/२०२० रोजी रात्री १२.०० वाजेपर्यंत पूर्णपणे बंद राहतील. |
| भाजीपाला व फळांची स्थायी दुकाने व मनपाने तात्पुरती सुरू केलेली भाजीपाला व फळांची दुकाने/ मार्केट - | २१/५/२०२० रात्री १२.०० वाजेपासून २६/५/२०२० रोजी रात्री १२.०० वाजेपर्यंत पूर्णपणे बंद राहतील. |
| अन्नधान्याची दुकाने (डी मार्ट, स्टार बाझार, बिग बाझार इ. शाॅपिंग माॅलसह) बेकरी इ. अत्यावश्यक वस्तूंची विक्री करणारी दुकाने | उपरोक्त काळात दररोज सकाळी ११.०० ते सायंकाळी ५.०० वाजेपर्यंत सुरू राहील. |
| अन्नधान्य, भाजीपाला, फळे, बेकरी, दूध, मासळी, चिकन, मटण व इतर जीवनावश्यक वस्तूंची घरपोच सेवा (home delivery) | उपरोक्त काळात दररोज सकाळी ९.०० ते रात्री ११.०० वाजेपर्यंत सुरू राहील. |
| दूध व डेअरी आस्थापना | उपरोक्त काळात दररोज सकाळी ७.०० ते सकाळी ११.०० वाजेपर्यंत सुरू राहील. |
| औषधांची दुकाने (फक्त औषधे विकण्याची मुभा असेल) | दररोज औषधांची दुकाने सकाळी ९.०० ते संध्याकाळी ९.०० वाजेपर्यंत सोशल डिस्टन्सिंगचं पालन करत सुरू राहतील. |
| रुग्णालयातील (ज्या ठिकाणी आंतररुग्ण विभाग सुरू आहे, अशा ठिकाणी) औषधांची दुकाने २४ तास किंवा त्यांच्या सोयीनुसार सुरू ठेवण्याची मुभा असेल. | |
| २४ तास सुरू ठेवण्याची परवानगी असलेल्या औषधी दुकानांना २४ तास सुरू ठेवण्याची मुभा असेल. | |
| पिठाची गिरणी (आटा चक्की) | नेहमीप्रमाणे सुरू राहील. |
| मच्छिमार व्यवसाय | उपरोक्त काळात दररोज सकाळी ५.०० ते ९.०० वाजेपर्यंत सुभाषचंद्र बोस मैदानालगत उत्तनकडे जाणाऱ्या वाहतुकीसाठी वापरात नसलेल्या रस्त्याचा अर्धा भाग व त्या लगतच्या फूटपाथवर फक्त मासळी विक्रीसाठी परवानगी राहील. |
| टीव्ही, ए.सी. वाॅशिंग मशीन इ. इलेक्ट्राॅनिक्स वस्तूंची दुरूस्ती दुकाने (इलेक्ट्राॅनिक्स दुकाने वगळून) हार्डवेअर आणि इलेक्ट्रिकल दुकाने | उपरोक्त काळात सकाळी ९.०० ते दुपारी ३.०० वाजेपर्यंत सुरू राहतील. |
Share
Tweet
