राज्य सरकारच्या वतीने सार्वजनिक बांधकाम विभागाने लवकरच काश्मीरमध्ये महाराष्ट्र सदन बांधण्याचा निर्णय घेतला आहे. यासंदर्भात सार्वजनिक बांधकाम मंत्री रवींद्र चव्हाण म्हणाले की, विभागाने काश्मीरमधील जमीन खरेदीसाठी 9 कोटी 30 लाख 24 हजार रुपयांची आर्थिक तरतूद केली आहे.
मंत्री श्री.चव्हाण या संदर्भात म्हणाले की, जम्मू-काश्मीर सरकारने महाराष्ट्र भवन बांधण्यासाठी बडगाम जिल्ह्यातील इच्छागम तालुक्यात 2.50 एकर (20 कनाल) जमीन राज्य सरकारला उपलब्ध करून दिली आहे. महाराष्ट्र आणि जम्मू-काश्मीर सरकारने जमीन खरेदीची प्रक्रिया पूर्ण केली आहे. दोन्ही राज्यात महाराष्ट्र सदन स्थापन करण्याच्या उद्देशाने सार्वजनिक बांधकाम विभागाच्या अधिकाऱ्यांची नोडल अधिकारी म्हणून नियुक्ती करण्यात आली आहे.
आता महाराष्ट्र सदन कसे असावे आणि त्यामध्ये कोणत्या सुविधा असतील याचे नियोजन आणि आराखडा तयार करण्याची प्रक्रिया सुरू आहे. ही प्रक्रिया पूर्ण झाल्यानंतर महाराष्ट्र सदनाचे प्रत्यक्ष बांधकाम सुरू होईल आणि लवकरच महाराष्ट्र सदन उभे राहील, असा विश्वास मंत्री चव्हाण यांनी व्यक्त केला.
मंत्री चव्हाण म्हणाले की, बडगाम येथे उभारण्यात येणाऱ्या महाराष्ट्र सदनासाठी आवश्यक असलेल्या 2.50 एकर जागेसाठी राज्य सरकारने 9 कोटी 30 लाख 24 हजार रुपयांची आर्थिक तरतूद केली आहे.
हेही वाचा
Share
Tweet
