महाराष्ट्र (maharashtra) प्रदूषण नियंत्रण मंडळाचे सदस्य सचिव अविनाश ढाकणे यांनी स्पष्ट केले की, मुंबईतील प्रदूषण (pollution) नियंत्रणात आणण्यासाठी महाराष्ट्र प्रदूषण नियंत्रण मंडळाने कठोर पावले उचलली आहेत.
मुंबईत (mumbai) कोणत्याही नवीन व्यावसायिक आरएमसी (RMC) प्रकल्पाला परवानगी दिली जाणार नाही. सध्या सुरू असलेले आरएमसी प्रकल्प बंद करण्याच्या सूचना देण्यात आल्या आहेत. त्यासाठी या प्रकल्पांना तीन महिन्यांचा कालावधी देण्यात आल्याचेही त्यांनी सांगितले.
मुंबईतील प्रदूषणाविरोधात केलेल्या उपाययोजनांची माहिती देण्यासाठी बृहन्मुंबई महानगरपालिकेच्या (बीएमसी) मुख्यालयात सोमवारी घेतलेल्या पत्रकार परिषदेत ढाकणे यांनी एमपीसीबीने केलेल्या कारवाईची माहिती दिली.
वाढत्या प्रदूषणाच्या पार्श्वभूमीवर न्यायालयाने गेल्या वर्षी जनहित याचिका दाखल केली होती. सुनावणीदरम्यान वेळोवेळी दिलेल्या सूचनांचे पालन करण्यात येत असल्याचे ढाकणे यांनी सांगितले.
न्यायालयाच्या निर्देशानुसार राज्य सरकारने मुंबई महानगर प्रदेशासाठी समिती स्थापन केली आहे. महापालिका आयुक्त भूषण गगराणी हे या समितीचे अध्यक्ष असून या समितीची दर महिन्याला बैठक होते.
ढाकणे म्हणाले की, बांधकाम स्थळांवरून होणारे प्रदूषण रोखण्यासाठी पालिकेने तयार केलेल्या 28 नियमांची मार्गदर्शक तत्त्वे मुंबई महानगर क्षेत्रातील सर्व महापालिकांना बंधनकारक आहेत.
मुंबईतील रेडी मिक्स प्रकल्प (projects) बंद करण्याच्या सूचना देण्यात आल्या आहेत. त्यासाठी प्रकल्पाला तीन महिन्यांची मुदत देण्यात आली आहे. मुंबईत कोणताही नवीन आरएमसी प्रकल्प होऊ देणार नसल्याचे ढाकणे यांनी स्पष्ट केले.
लाकूड वापरून चालवल्या जाणाऱ्या बेकरी यापुढे बंद केल्या जातील आणि या बेकरींना विजेवर चालवण्याची परवानगी दिली जाईल. त्यासाठी त्यांना एक वर्षाचा कालावधी दिला जाईल.
मुंबई महानगर क्षेत्रातील सर्व रिक्षा सीएनजीमध्ये बदलण्यात आल्याचेही त्यांनी सांगितले. नवी मुंबईतील खडी बनवणारे प्रकल्प, आरएमसी प्रकल्पांवर गेल्या काही महिन्यांत कारवाई करण्यात आल्याचेही ते म्हणाले.
मुंबईतील वायू प्रदूषणात झालेली वाढ लक्षात घेऊन महाराष्ट्र प्रदूषण नियंत्रण मंडळाने मुंबई महानगर क्षेत्रातील रेडीमिक्स सिमेंट काँक्रीट कारखान्यांसाठी नवीन मार्गदर्शक तत्त्वे जाहीर केली आहेत.
मात्र, या मार्गदर्शक तत्त्वांचे पालन केले जात नसल्याचे निदर्शनास आले आहे. नुकतीच यासंदर्भात मंडळाकडे तक्रार करण्यात आली आहे.
सामाजिक कार्यकर्ते गॉडफ्रे पिमेंटा यांनी काही रेडीमिक्स सिमेंट काँक्रीट कारखान्यांमध्ये मार्गदर्शक तत्त्वांचे पालन न केल्याची तक्रार प्रदूषण नियंत्रण मंडळाकडे केली आहे.
नवीन मार्गदर्शक तत्त्वांनुसार, रेडीमिक्स सिमेंट कारखान्यांच्या परिसरात पीएम 2.5 आणि पीएम 10 पार्टिक्युलेट मॅटर मोजण्यासाठी हवेच्या गुणवत्तेचे मॉनिटर्स बसवणे बंधनकारक आहे.
हेही वाचा
Share
Tweet
