यंदा पावसाला सुरुवात झाली असली तरी अद्याप पुरेसा पाऊस झालेला नाही. नवी मुंबई महानगरपालिकेच्या मोरबे धरण परिसरातही यंदाच्या पावसाळ्यात केवळ 99 मिमी पाऊस झाला असून सध्याची धरण पातळी 68.95 मीटर आहे. त्यानुसार नवी मुंबई महापालिकेच्या वतीने आठवड्यातून काही दिवस सकाळी तर काही दिवस संध्याकाळी पाणीपुरवठा करण्यात येत आहे. 

सातपैकी चार दिवस संध्याकाळचा पाणीपुरवठा करण्यात येत आहे. त्यासाठी विभागनिहाय वेळापत्रक तयार करण्यात आले आहे. पावसाची स्थिती लक्षात घेऊन नागरिकांना पाण्याचा काटकसरीने वापर करण्याचे आवाहन करण्यात आले आहे. त्याला नागरिकांचा सकारात्मक प्रतिसाद मिळत आहे.

अपुऱ्या पावसामुळे मोरबे धरणातील पाण्याचा समतोल लक्षात घेऊन आठवड्यातून तीन दिवस सकाळी सात दिवस नियमित आणि संध्याकाळी फक्त पाणीपुरवठा करण्याचे नियोजन करण्यात आले आहे. त्यानुसार आठवड्यातील चार दिवस दोन्ही वेळेस आणि तीन दिवस फक्त एकदाच पाणी पुरवठा केला जाईल, याची नागरिकांनी नोंद घ्यावी आणि पाण्याचा काटकसरीने वापर करावा.

हेही वाचा

अंबरनाथकरांना 1 दिवस, बदलापूरमध्ये 2 दिवसाआड पाणीपुरवठा

नवी मुंबईतील ई-टॉयलेट बंद करण्याचा महापालिकेचा निर्णय