ह्यूमन सोसायटी इंटरनॅशनल/इंडिया (HSI) च्या सहकार्याने महापालिकेने अलिकडेच केलेल्या भटक्या कुत्र्यांच्या सर्वेक्षण केले.  या सर्वेक्षणात गेल्या दशकात भटक्या कुत्र्यांच्या संख्येत 95,172 वरून 90,757 पर्यंत घट झाल्याचे दिसून आले आहे.

विशेष म्हणजे, 19 पालिका वॉर्डांमध्ये कुत्र्यांची घनता 31.6 टक्क्याने कमी झाली आहे. तथापि, ई-भायखळा, एन-घाटकोपर, आर साउथ-कांदिवली आणि टी-मुलुंड या चार वॉर्डांमध्ये कुत्र्यांची घनता 19.9 टक्क्याने वाढली आहे. 

मुंबईतील (mumbai) भटक्या कुत्र्यांची (street dogs) संख्या आणि आरोग्य स्थिती यावर अचूक माहिती गोळा करण्यासाठी 2024 ची कुत्र्यांची गणना करण्यात आली. 

गुरुवारी महापालिका (bmc) मुख्यालयात उपमहानगरपालिका आयुक्त चंदा जाधव यांनी जारी केलेल्या अहवालात असे सूचित केले आहे की गेल्या दशकात भटक्या कुत्र्यांच्या संख्येत घट झाली आहे.

पालिकेने सुरू केलेल्या नसबंदीच्या मोहिमेमुळे भटक्या कुत्र्यांच्या संख्येत घट झाल्याचे सांगण्यात येत आहे. मात्र चार वॉर्डांमध्ये कुत्र्यांच्या संख्येत झालेली वाढ ही बाहेरून कुत्र्यांच्या झालेल्या स्थलांतरामुळे असू शकते, असे अहवालात म्हटले आहे.

मुंबईच्या सुमारे 930 किमी रस्त्यांचे सर्वेक्षण करणाऱ्या 2024 च्या भटक्या कुत्र्यांच्या गणनेत प्रति किमी सरासरी 8.01 कुत्रे आढळले. 2014 च्या सर्वेक्षणात प्रति किमी 10.54 कुत्रे होते. 

झोपडपट्टी भागात, प्रति चौरस किलोमीटर 224 कुत्र्यांची नोंद झाली आहे. गेल्या दशकात रस्त्यावर कुत्र्यांच्या घनतेत 21.8% आणि झोपडपट्ट्यांमध्ये 27.4% घट दिसून येते.

सर्वेक्षण अहवालानुसार, 1994 ते डिसेंबर 2023 दरम्यान, महापालिकेने 4,03,374 भटक्या कुत्र्यांचे निर्जंतुकीकरण केले. स्वयंसेवी संस्थांनी नसबंदीच्या प्रयत्नांमध्ये सक्रिय भूमिका बजावली आहे. 8 ते 10 स्वयंसेवी संस्था या कार्यक्रमात सहभागी झाल्या आहेत.

2014 ते 2023 पर्यंत, या संस्थांनी 1,48,084 कुत्र्यांचे नसबंदीकरण (sterilisation) केले. ज्यामध्ये 2017 मध्ये सर्वाधिक 24,290 नसबंदीकरण झाले आणि 2015 मध्ये सर्वात कमी 6,414 झाले. गेल्या दशकात, सरासरी वार्षिक नसबंदीचा आकडा 14,808 होता.

हेही वाचा

'AI Ghibli Art' वापरून बनवलेले बाप्पाचे फोटो हटवण्याची मागणी

मुंबईतील 34 म्हाडा वसाहतीत 'आपला दवाखाना'