जगभरात धुमाकूळ घालणार्‍या कोरोनाचे संकट आता महाराष्ट्रात येऊन धडकले आहेत. त्यामुळे प्रशासनाकडून खबरदारीचे विविध उपाय केले जात आहेत. मात्र असं असतानाही लोकांमध्ये काहीसं भीतीचं वातावरण असून लोक सार्वजनिक ठिकाणी जाण्याचं टाळू लागले आहेत. कोरोनाच्या भीतीचा शिर्डीतील साईमंदिरावरही परिणाम झाला असून गुरुवारी गर्दीचा वार असताना दर्शनरांगा मात्र ओस पडल्याचं पाहायला मिळालं.
हेही वाचाः-coronavirus update: महाराष्ट्रातील कोरोना रुग्णाची संख्या १५ वर
दर्शनासाठी बुधवारच्या तुलनेत गर्दी कमी झाली. या पार्श्‍वभूमीवर साईबाबा संस्थानकडून नॉन कॉनटँक्ट इन्फ्रारेड थर्मामीटरचे प्रात्यक्षिक करण्यात आले आहे. दर्शनरांगेत प्रवेश करताना थर्मामीटरने भाविकाची तपासणी करण्यात येत आहे. तापाची तपासणी करण्यासाठी थर्मामीटर व्यवस्था करण्यात आली आहे. लवकरच यासाठी अधिकृतपणे यंत्रणा कार्यान्वित होणार आहे. तसंच संस्थानाकडून साफसफाईसोबत हॅण्ड सँनेटायझरची व्यवस्था करण्यात आली आहे.कोरोना संशयित रुग्णांसाठी साईबाबा रुग्णालयात आयसोलेशन वॉर्डची व्यवस्था केली गेली आहे. त्यामुळे एकूणच कोरोनाचा संसर्ग रोखण्यासाठी संस्थानाकडून संपूर्ण सतर्कता ठेवण्यात येत असल्याचे दिसत आहे. गर्दीच्या ठिकाणी कोरोना व्हायरस वेगाने पसरण्याची शक्यता आहे. त्यामुळे राज्यातील सर्व मोठ्या यात्रा रद्द करण्याचे आदेश प्रशासनाकडून देण्यात आले आहेत. गर्दी होईल अशा सर्व यात्रा रद्द करण्यात आल्या आहेत. याबाबत केंद्रीय आपत्ती सचिवांकडून जिल्हाधिकार्‍यांना पत्र पाठवण्यात आले आहे. त्यानंतर जिल्हाधिकार्‍यांनी तहसीलदारांना आदेश दिले आहेत.
हेही वाचाः-राज्यसभेची उमेदवारी न मिळाल्याने शिवसेनेचे चंद्रकांत खैरे भडकले
मुंबईच्या कुलाबा परिसरात ही कोरोनाच्या पार्श्वभूमिवर अल्लाना मस्जिद ही बंद करण्यात आली आहे. मस्जिद प्रशासनाकडून पुढील आदेश येईपर्यंत ही मस्जिद बंद ठेवण्यात येणार आहे. त्यामुळे काहीदिवस आता मस्जिद मध्ये नमाज पठण केले जाणार नाही. तसा बोर्डच मस्जिद प्रशासनाने मस्जिद बाहेर लावला आहे.
Share
Tweet
