वाई, पाचगणी, महाबळेश्वर तसेच नाशिक (nashik) येथे ‘स्ट्रॉबेरी’ पिकाची लागवड करण्याकडे शेतकऱ्यांचा कल वाढत आहे. आता नाशिक मध्ये हे स्ट्रॉबेरी चे उत्पादन घेतले जात आहे.

एपीएमसी (apmc) बाजारात पाचगणी, महाबळेश्वर येथील तीन हजार क्रेट नाशिक येथील 10 ते 12 गाड्या स्ट्रॉबेरी दाखल होत आहेत. सध्या स्ट्रॉबेरी आवक वाढत आहे, त्यामुळे दरात घसरण झाली आहे.

स्ट्रॉबेरी हे थंडीत पिकणारे फळ असल्याने त्याचा मुख्य बहर डिसेंबर, जानेवारी महिन्यांत असतो. हा बहर जून महिन्यापर्यंत सुरू राहतो.

डिसेंबर, जानेवारी महिन्यांत सर्वाधिक स्ट्रॉबेरी बाजारात विक्रीसाठी येत असली तरी नोव्हेंबर महिन्याच्या सुरुवातीला वाशीच्या (vashi) एपीएमसी बाजारात स्ट्रॉबेरी दाखल होण्यास सुरुवात होते. परंतु यंदा पाऊस आणि हवामानबदल यामुळे हंगामालाही उशिरा सुरुवात झाली आहे.

आवक वाढत असल्याने बाजारात मागील महिन्याच्या तुलनेत दर आवाक्यात आहे अशी माहिती व्यापाऱ्यांनी दिली. नाशिक स्ट्रॉबेरी चवीला आंबट असल्याने त्याला जास्त मागणी नसते. त्यामुळे नाशिक स्ट्रॉबेरीच्या एक पनेटची म्हणजे दोन किलो स्ट्रॉबेरीची 120 ते 180 रुपयांनी विक्री होत आहे.

स्ट्रॉबेरी खाण्याबरोबरच आयस्क्रीम, शीतपेय, चॉकलेट यामध्ये मोठ्या प्रमाणात स्ट्रॉबेरी फ्लेवरचा उपयोग होतो. त्यामुळे बाराही महिने स्ट्रॉबेरीला मागणी असते.

विशेषतः हंगामादरम्यान अधिक मागणी असते. त्यामुळे महाबळेश्वर (mahabaleshwar) व वाई परिसरात कमी क्षेत्रात अधिक उत्पन्न देणारे पीक म्हणून स्ट्रॉबेरीची लागवड मोठ्या प्रमाणात होऊ लागली आहे. नाशिकमध्येही (nashik) स्ट्रॉबेरीची लागवड केली जात आहे.

हेही वाचा

खाजगी प्रवासी वाहतूक कंपन्यांनाही समान नियम लागू होणार

ST कर्मचाऱ्यांसाठी कॅशलेस रुग्णालये उभारणार : प्रताप सरनाईक