मुंबईत (mumbai) गेल्या दोन-तीन दिवसांपासून ढगाळ वातावरण (weather) आणि पूर्वेकडून येणाऱ्या वाऱ्यांमुळे हवेतील प्रदूषित कण वाहून जाण्यास मदत झाली आहे. त्यामुळे गेल्या काही दिवसांपासून मुंबईच्या हवेच्या दर्जात चांगलीच सुधारणा झाली आहे.
मात्र, गुरुवारी मुंबईतील हवेची (climate) गुणवत्ता पुन्हा खालावली. कुलाबा आणि कांदिवली येथे हवेच्या 'खराब' दर्जाची नोंद झाली आहे. तर इतर भागातील हवेचीही 'मध्यम' श्रेणीत नोंद झाली आहे.
मुंबईकरांनी नोव्हेंबर महिन्यात हवेची गुणवत्ता खराब झाली होती. मात्र डिसेंबरच्या सुरुवातीला हवेच्या गुणवत्तेत किंचित सुधारणा झाली. मात्र, फेंगल चक्रीवादळाचा प्रभाव संपल्यानंतर आता मुंबईची हवा पुन्हा प्रदूषित होत असल्याचे निदर्शनास येत आहे.
समीर ॲपच्या रेकॉर्डनुसार, गुरुवारी कुलाब्यात 'खराब' हवा नोंदवली गेली. संध्याकाळी 5 च्या सुमारास येथील हवेचा निर्देशांक (Aqi) 225 होता. तर, कांदिवली येथे हवा निर्देशांक 254 होता. तसेच सायन, पवई, शिवाजीनगर, शिवडी परिसरात मध्यम दर्जाची हवा नोंदवली गेली. येथील हवा निर्देशांक अनुक्रमे 120, 121, 198, 144 होता.
दरम्यान, मुंबईचे वाढते वायू प्रदूषण पाहता मुंबईकरांनी फेस मास्क वापरण्यास सुरुवात केली आहे. हे प्रामुख्याने सीएसएमटी परिसरात दिसून येते. गुरुवारी मुंबईची हवा ‘मध्यम’ श्रेणीत नोंदवण्यात आली. यावेळी मुंबईचा सरासरी हवाई निर्देशांक 134 होता.
दरम्यान, ग्रीनपीस इंडियाने काही दिवसांपूर्वी प्रसिद्ध केलेल्या अहवालात मुंबईत नायट्रोजन ऑक्साईडचे प्रमाण जास्त असल्याचे नमूद करण्यात आले आहे. माझगाव आणि मालाड भागात प्रदूषकांचे प्रमाण सर्वाधिक असल्याचे अहवालात नमूद करण्यात आले आहे.
हेही वाचा
Share
Tweet
