कुर्ला पूर्व भागातील नाईक नगर परिसरातील चार मजली इमारत सोमवारी मध्यरात्रीच्या सुमारास कोसळली. यामध्ये एकाचा मृत्यू झाला आहे. तर १० जण जखमी झाल्याची माहिती मिळतेय.
मुंबईतील कुर्ल्यातील नाईक नगर भागात काल रात्री चार मजली इमारत कोसळली. त्यावरून राजकारणही सुरू झाले आहे. शिवसेनेचे मंत्री आदित्य ठाकरे रात्री उशिरा घटनास्थळी पोहोचले.
तर आता शिवसेनेच्या बंडखोर आमदारांनीही या अपघातात नुकसान भरपाई जाहीर केली आहे. एकनाथ शिंदे, आमदार मंगेश कुडाळकर यांनी या अपघातात मृत्युमुखी पडलेल्या व जखमींना भरपाई जाहीर केली आहे.
अपघातातील जखमींच्या कुटुंबीयांना 1 लाख, मृतांना 5 लाखांची मदत, एकनाथ शिंदे आणि आमदार मंगेश कुडाळकर यांनी ट्विट करून माहिती दिली आहे.
दुःखद घटना
— Mangesh Kudalkar - मंगेश कुडाळकर (@mlamangesh) June 28, 2022
नाईक नगर, कुर्ला (पू) येथे चार मजली इमारत कोसळून दुर्घटना घडली. अग्निशामक , महानगरपालिका , पोलिस यंत्रणा बचाव कार्य सुरू आहे.
कुटुंबियांना 1 लाख व मृत व्यक्तींना 5 लाख मा मंत्री एकनाथ शिंदे , आमदार मंगेश कुडाळकर यांच्या तर्फे करण्यात येईल @mieknathshinde pic.twitter.com/dqLciAzmIW
सध्या एकनाथ शिंदे तसेच आमदार मंगेश कुडाळकर यांच्यासह अनेक बंडखोर आमदार गुवाहाटीत आहेत.आमदार मंगेश कुडाळकर यांनी ट्विट केले आहे. अपघात.पण शोक व्यक्त करत जखमींच्या नातेवाईकांना एक लाख आणि मृतांना पाच लाख रुपयांची मदत जाहीर केली.
अपघातानंतर कॅबिनेट मंत्री आदित्य ठाकरे यांनी घटनास्थळी भेट देऊन परिस्थितीचा आढावा घेतला. यावेळी त्यांच्यासोबत पालिकेचे आपत्ती विभागाचे अधिकारीही उपस्थित होते.
या अपघातात एकाचा मृत्यू झाला असून आठ जणांना राजावाडी येथे उपचारासाठी दाखल करण्यात आले आहे.
अग्निशमन दलाच्या जवानांनी घटनास्थळी तातडीने धाव घेऊन मदतकार्य सुरू केले आहे. आतापर्यंत १० जणांना वाचवण्यात यश आले. ढिगाऱ्याखाली अनेकजण अडकल्याची शक्यता वर्तवण्यात येत आहे.
घटनेची माहिती मिळताच अग्निशमन दल, पोलीस, स्थानिक लोकप्रतिनिधींनी घटनास्थळी धाव घेतली. स्थानिकांच्या मदतीने मदतकार्य सुरू आहे.
Share
Tweet
