रुपयामध्ये अालेली मजबूती अाणि जागतिक सकारात्मक संकेत यामुळे सोमवारी देशातील शेअर बाजारांनी पुन्हा विक्रमी उच्चांक नोंदवला. एल अँड टी, रिलायन्स इंडस्ट्रीज, एचडीएफसी, एचडीएफसी बँक, मारूती, ओएनजीसी अादी हेवीवेट शेअर्समध्ये अालेल्या तेजीमुळे सेन्सेक्स प्रथमच ३८,३४०.६९ अाणि निफ्टी ११, ५६५ या एेतिहासीक उच्चांकावर गेला. दिवसाअखेरीस सेन्सेक्स ३३१ अंकाने वधारून ३८ हजार २७९ वर बंद झाला. तर निफ्टी ८१ अंकांची वाढ नोंदवत ११ हजार ५५२ वर स्थिरावला.
सेन्सेक्सच्या तेजीत एल अँड टी अाणि रिलायन्स इंडस्ट्रीजचा मोठा वाटा राहिला. सोमवारी बीएसईमधील १४५० शेअर्समध्ये तेजी राहिली. राष्ट्रीय शेअर बाजारात (एनएसई) अायटी क्षेत्राचा निर्देशांक सोडून सर्व क्षेत्रांनी वाढ नोंदवली. लार्जकॅपबरोबर मि़डकॅप अाणि स्माॅलकॅप शेअर्समध्येही चांगली खरेदी दिसून अाली. अांतरराष्ट्रीय बाजारात कच्च्या तेलाच्या दरात घसरण झाली अाहे. कच्च्या तेलाचा भाव ६५ डाॅलरच्या खाली अाला अाहे. तेलातील दर घटीचा बाजाराला सपोर्ट मिळाला.
हेही वाचा -
सिडकोकडूनच महारेराचं उल्लंघन, नोंदणीशिवाय काढली जाहिरात
४० लाखांसाठी लटकली १५० कोटींची मालमत्ता, आढमुठ्या बिल्डरला महरेराचा दणका
Share
Tweet
