मध्य रेल्वेच्या 'यात्री मोबाइल अॅप'मध्ये मेल-एक्स्प्रेसचे वेळापत्रक आणि लाईव्ह स्टेटस यांची माहिती जानेवारीमध्ये प्रवाशांना उपलब्ध होणार आहे. त्यामुळे एक्सप्रेस ट्रेन जर उशिरानं धावत असेल किंवा कॅन्सल होणार असेल तर त्याची माहिती आधीच प्रवाशांना मिळणार आहे.
रेल्वेगाड्यांच्या रिअल टाईम ट्रॅकिंगसह रेल्वे गाड्यांचा वक्तशीरपणा यांसाठी भारतीय रेल्वे आणि भारतीय अंतराळ संशोधन संस्था यांनी संयुक्त उपक्रम हाती घेतला आहे. त्यानुसार रेल्वे इंजिनवर गगन तंत्रज्ञानानुसार जीपीएस लावण्यात आले आहे. त्यातून सॅटेलाइटच्या माध्यमानं रेल्वेगाडीची सद्यस्थिती मोबाईलमध्ये दिसेल. त्याचाच उपयोग करून यात्री अॅपमध्ये लांब पल्ल्यांच्या गाड्यांचे रियल टाईम स्टेटस कळणार आहे.
यात्री अॅपच्या या नव्या सुविधेची सध्या चाचणी सुरू आहे. काही तांत्रिक कामे बाकी आहेत. त्याच बरोबर यात्री अॅप यंत्रणा 'एनटीईएस' या यंत्रणेला देखील जोडण्यात येणार आहे. डिसेंबर अखेर ही कामे पूर्ण होतील. त्यानंतर नव्या वर्षात म्हणजेच जानेवारीला प्रवाशांना ही सुविधा उपलब्ध केली जाईल.
'यात्री अॅप'चे वैशिष्ट्यं
मुंबईतील सर्व वाहतूक पर्यायांचा समावेश रेल्वेच्या मोबाइल अॅपमध्ये करण्याचा रेल्वे अधिकाऱ्यांचा मानस आहे. सध्या यात्री अॅपवर मध्य रेल्वे, पश्चिम रेल्वे, हार्बर आणि ट्रान्स हार्बर यांचे वेळापत्रक आहे.
त्याच बरोबर लोकल कोणत्या फलाटावर येईल आणि कोणत्या दिशेला उतरायचे याची माहिती देखील दिसते. मेट्रो, मोनो आणि बोट फेरीच्या वेळा देखील यात्री अॅप मध्ये पाहता येतात.
हे अॅप अँड्रॉईड आणि आयओएस दोन्ही प्लॅटफॉर्मवर उपलब्ध आहे. पहिल्या टप्प्यात ट्रेन, ई-कार्ट बुकिंग इत्यादींची माहिती प्रदान करेल. तसंच, एखादी व्यक्ती त्यांच्या आवडत्या गाड्या आणि मार्ग त्याबद्दल नियमित अपडेट मिळवण्यासाठी चिन्हांकित करू शकते. अस्सल माहिती आणि अद्यतनांशिवाय, वेळापत्रक, सुविधा, धोरणे इत्यादी बरीच अतिरिक्त वैशिष्ट्ये पुढे जोडली जातील.
हेही वाचा
Share
Tweet
