कर्करोग रुग्णांना (cancer patient) अधिकाधिक चांगले, त्वरित उपचार मिळावेत यासाठी महत्त्वाचा निर्णय घेण्यात आला आहे. राज्यातील सहा जिल्हा रुग्णालयांमध्ये कर्करोगावरील उपचार (treatment) सुविधा उपलब्ध करून देण्याचा निर्णय घेण्यात आला आहे.

त्यानुसार चार जिल्हा रुग्णालयांमध्ये रेडिएशन ऑनकॉलॉजी केंद्र तर दोन जिल्ह्यांमधील विभागीय संदर्भ सेवा रुग्णालयामध्ये रेडियोथेरेपी आणि डे केअर किमोथेरेपी केंद्र स्थापन करण्यात येणार आहे. 

नागरिकांना घराजवळ कर्करोगावरील उपचार सुविधा मिळावी यासाठी सार्वजनिक आरोग्य विभाग प्रयत्नशील आहे. त्यादृष्टीकोनातून राज्यातील जिल्हा रुग्णालयांमध्ये कर्करोगावरील उपचार उपलब्ध करून देण्यासाठी प्रयत्न करण्यात येत आहेत.

जिल्हा रुग्णालये (District hospitals) कर्करोगावर उपचार करण्यास सक्षम झाल्यास रुग्णांना मुंबई (mumbai), पुणे (pune) यांसारख्या शहरात उपचारासाठी जाण्याची गरज पडणार नाही.

रेडिएशन ऑनकॉलॉजी केंद्र हे जालना, रत्नागिरी, बारामती व धाराशीव येथील जिल्हा रुग्णालयांमध्ये सुरू करण्यात येणार आहे. तर अमरावती (amravati) व नाशिक (nashik) येथील विभागीय संदर्भ सेवा रुग्णालयामध्ये रेडियोथेरेपी आणि डे केअर किमोथेरेपी केंद्र उभारण्यात येणार आहे.

रेडिएशन ऑनकॉलॉजी केंद्र, रेडियोथेरेपी आणि डे केअर किमोथेरेपी केंद्र हे टर्न की तत्त्वावर उभारण्यात येईल. हा उपक्रम हॉस्पिटल सर्व्हिसेस कन्सलटन्सी कॉर्पोरेशन लिमिटेड (एचएससीसी लिमिटेड) या कंपनीच्या माध्यमातून करण्यात येणार आहे. 

हॉस्पिटल सर्व्हिसेस कन्सलटन्सी कॉर्पोरेशन लिमिटेड (hsc limited) ही कंपनी या सहा जिल्ह्यांमधील कर्करोग उपचारावरील केंद्रांचे बांधकाम सार्वजनिक विभागाशी खासगी भागीदारी तत्त्वावर पूर्ण करून देणार आहे. 

या केंद्रांमुळे सहा जिल्ह्यातील रुग्णांना त्यांच्या घराजवळ उपचाराची सुविधा मिळण्यास मदत होणार आहे. यामुळे मुंबई, पुणे यासारख्या शहरातील रुग्णालयांवर पडणारा ताण कमी होऊ शकेल.

हेही वाचा

हितेंद्र ठाकूर वसईतून लढणार

लाडकी बहीण योजना सुरू राहणार की बंद होणार?