ठाणे (thane) येथील बारा बंगला परिसरातील ठाणे पोलिस आयुक्त आशुतोष डुंबरे यांच्या शासकीय निवासस्थानत पाळलेल्या कोंबड्यांना बर्ड फ्लूची (bird flu) लागण झाल्याचे उघड झाले.
यानंतर लगेचच ठाणे महापालिकेने कोपरी परिसरात 5 फेब्रुवारीपर्यंत चिकन (chicken), मटन (mutton) विक्री दुकाने बंद ठेवण्याचा निर्णय घेतला आहे. बर्ड फ्लूचा संसर्ग रोखण्यासाठी पालिकेने ठाणे जिल्हाधिकाऱ्यांच्या आदेशानुसार ही उपाययोजना केली आहे.
ठाणे येथील बारा बंगला परिसरातील ठाणे पोलीस आयुक्त आशुतोष डुंबरे यांचे शासकिय निवासस्थानात पाळलेल्या कोंबड्यांना 20 बर्ड फ्लूची लागण झाल्याचे गेल्या आठवड्यात समोर आले होते. यानंतर जिल्हा पशू संवर्धन विभागाने बंगल्याच्या एक किलोमिटर परिसरातील सर्व कोंबड्या नष्ट करण्याचे काम केले होते.
तसेच परिसरात बर्ड फ्लुचा संसर्ग रोखण्यासाठी जिल्हा प्रशासनाने कृती आराखड्यानुसार उपाययोजना करण्यास सुरूवात केली होती. यानुसार पशुसंवर्धन विभागाचे उपायुक्तांच्या अध्यक्षतेखाली भरारी पथक तयार करण्यात आले.
या पथकांमध्ये राज्याचा (maharashtra) पशुसंवर्धन विभाग, ठाणे महापालिकेच्या पशुवैद्यकीय विभाग आणि सार्वजनिक आरोग्य विभागातील कर्मचाऱ्यांचा समावेश होता. या भागातील कोंबडी आणि इतर पाळीव पक्षांचे नुमनेही तपासणीसाठी पाठविण्यात आले होते. त्यात काहीच आढळून आलेले नाही.
तसेच या पथकाने 127 नागरिकांची आरोग्य तपासणी करून 75 जणांचे स्वॅब नमुने तपासणी घेतले होते. त्यात काही आढळून आलेले नाही.
दरम्यान, बर्ड फ्लु प्रसार रोखण्यासाठी खबरदारीचा उपाय म्हणून कोपरी परिसरातील चिकन आणि अंडी विक्री दुकाने (chicken shop) बंद करण्याचे आदेश जिल्हाधिकाऱ्यांनी दिले आहेत.
त्यानुसार ठाणे महापालिकेने कोपरी परिसरातील चिकन आणि अंडी विक्री दुकानदारांना नोटीस बजावून 5 फेब्रुवारीपर्यंत दुकाने बंद ठेवण्याचे आदेश दिले आहेत. या वृत्तास ठाणे महापालिका मुख्य आरोग्य अधिकारी डाॅ. चेतना नितील के यांनी दुजोरा दिला आहे.
दुकाने बंद ठेवल्यामुळे आर्थिक नुकसान होत असून दुकानांचे भाडे कसे द्यायचे असा प्रश्न आमच्या पुढे उभा राहिला असल्याची प्रतिक्रिया दुकानदारांकडून उमटत आहे.
हेही वाचा
Share
Tweet
