मुंबईतील आंतरराष्ट्रीय विमानतळात विमान ओढणाऱ्या वाहनाला आग लागल्याची माहिती समोर येत आहे. सोमवारी दुपारी १ वाजताच्या सुमारास ही घटना घडली. विमानाला पुशबॅक देणाऱ्या वाहनानं अचानक पेट घेतला. ही आग लागली तेव्हा विमानात प्रवासी होते. पण, सुदैवाने यात कुठलीही जीनितहानी झाली नाही.
मिळालेल्या माहितीनुसार, विमानाला पुशबॅक देणाऱ्या वाहनानं अचानक पेट घेतला. ही आग लागली तेव्हा पुशबॅक वाहन गुजरातच्या जामनगरला जाणाऱ्या एअर इंडियाच्या फ्लाइट AI-647 ला ढकलत होते.
अपघातावेळी विमानात सुमारे 85 प्रवासी होते. या घटनेचा एक व्हिडिओही समोर आला आहे. ज्यामध्ये अग्निशमन दलाचे पथक आग विझवताना दिसत आहे. आग आटोक्यात आणण्यात आली असून, या घटनेत विमानाचे कोणतेही नुकसान झाल्याचे वृत्त नाही.
मुंबई-जामनगर फ्लाइटमध्ये ८५ प्रवासी होते. अचानक पुशबॅक टगला आग लागली. या घटनेनंतर काही वेळातच अग्निशमन दलाच्या जवानांनी आग विझवण्यास सुरुवात केली.
१० मिनिटांत आगीवर नियंत्रण मिळवण्यात आले. या घटनेत कोणत्याही व्यक्तीला इजा झालेली नाही. आग आटोक्यात आणल्यानंतर सर्व कामे सुरळीत सुरू झाली.
Share
Tweet
