पावसाळ्याला सुरुवात झाली की, खड्यांचा प्रश्न दरवर्षीच गंभीर होतो. खड्डे बुजवण्यासाठी पालिका एका नवीन तंत्रज्ञानाचा वापर करणार आहे. प्रशासकीय संस्था भू-पॉलिमर (Geo - Polymer) तंत्रज्ञानाचा वापर करत आहे. कॉंक्रिटचे रस्ते मजबूत करण्यासाठी या तंत्रज्ञानाचा वापर करण्यात येणार आहे.
खड्डे बुजल्यानंतर अवघ्या 2 तासात वाहतूक सुरू करण्यात येते. तसेच मायक्रो-सर्फेसिंग (Micro-surfacing) द्वारे डांबरी रस्त्यांची दुरुस्ती केली जात आहे. यात डॅशबोर्ड (Dashboard) प्रणालीचा वापर करून रस्त्यांवरच्या खड्ड्यांवर लक्ष केंद्रित केले जाते. यामुळे रस्त्यांवरचे खड्डे एका दिवसात भरुन पूर्ण होतील.
तसेच डॅशबोर्ड (Dashboard) वापरलेल्या डांबराचे प्रमाण, खड्ड्याचा आकार, स्थान आणि दुरूस्तीच्या वेळेचा मागोवा घेईल. या पावसाळ्यात खड्डे दुरुस्तीसाठी बृहमुंबई महानगरपालिकेने (BMC) 275 कोटींचा निधी मंजूर केला आहे. एकूण रस्ते दुरुस्तीसाठी 545 कोटींचा निधी खर्च करणार आहे. गेल्या वर्षीच्या तुलनेत 36% जास्त निधी खर्च करण्यात येणार आहे.
गेल्या वर्षीप्रमाणे यंदा 227 उप अभियंतांची नेमणूक करण्यात आली आहे. प्रत्येक अभियंत्यामागे 10 किमी रस्त्याच्या दुरुस्तीची जबाबदारी सोपवण्यात आली आहे.
शहरातील 397 किमीच्या रस्त्याच्या बांधकामास सुरूवात झाली आहे. त्यापैकी 25% रस्त्याचे काम पूर्ण झाले आहे. दोन कंत्राटदारांनी सात वेगवेगळ्या झोनमधील नऊ मीटर रुंद रस्त्यांचे काम पूर्ण केले आहे.
बीएमसी सोशल मीडिया, MyBMCPotholeFixit ॲप, व्हॉट्सॲप लाइन (Whatsapp line) आणि केंद्रीय हेल्पलाइन वापरून खड्ड्यांच्या तक्रारींचे व्यवस्थापन करते. युनिफाइड सिस्टम (Unified system) आता सर्व तक्रारींचा मागोवा घेईल आणि खड्ड्यांची ठिकाणे आणि दुरुस्तीची तपशीलवार माहिती देईल.
गेल्या वर्षीच्या पावसाळ्यात 70,000 खड्डे भरले होते, ज्याची किंमत 400 कोटी रुपये होती. या वर्षी, नवीन तंत्रज्ञान आणि देखरेख प्रणालींसह या समस्येचे अधिक प्रभावीपणे निराकरण करण्याचे महानगरपालिकेचे (BMC) उद्दिष्ट आहे.
हेही वाचा
Share
Tweet
