एकदिवसीय आणि टी-२० क्रिकेटमुळं कसोटी क्रिकेटचं महत्त्व कमी होऊ लागल्याची चिन्हे दिसत होती. त्यामुळं कसोटी क्रिकेटचं महत्व कमी होऊ न देण्यासाठी २०१९च्या एकदिवसीय विश्वचषक स्पर्धेनंतर कसोटी अजिंक्य स्पर्धा सुरू करण्यात आली. या स्पर्धेची रूपरेषा जाहीर करतानाच स्पर्धेचा अंतिम सामना इंग्लंडच्या लॉर्ड्स मैदानावर १० ते १४ जून या दरम्यान खेळला जाणार असल्याचं सांगण्यात आलं होते. पण आयसीसीनं आता अंतिम सामना पुढे ढकलला असून नव्या तारखा जाहीर केल्या आहेत.
आयसीसीच्या कसोटी अजिंक्यपद स्पर्धेचा अंतिम सामना इंग्लंडच्या लॉर्ड्सवर होणार आहे. हा सामना १० ते १४ जूनऐवजी आता १८ ते २२ जून या कालावधीत खेळवण्यात येणार आहे.
आयपीएल २०२१ चं आयोजन एप्रिल-मे या कालावधीत केलं जाणार असल्याची माहिती मिळत आहे. त्यामुळं बीसीसीआयच्या विनंतीला मान देत आयसीसीनं अंतिम सामन्यांच्या तारखांमध्ये बदल केला असल्याची चर्चा आहे.
नव्या नियमांनुसार हल्ली एका देशातून दुसऱ्या देशात क्रिकेट खेळण्यासाठी गेल्यास क्वारंटाइनचा नियम लागू होतो. ७ ते १४ असा विविध ठिकाणी हा कालावधी वेगवेगळा असतो. तसंच, आयपीएल स्पर्धेत पाकिस्तान वगळता इतर सर्व देशांचे खेळाडू खेळतात.
त्यामुळं कोणतेही २ संघ कसोटी अजिंक्यपद स्पर्धेत पोहोचले तरी त्या संघातील खेळाडूंना क्वारंटाइन आणि सरावाला पुरेसा वेळ मिळावा या उद्देशानं अंतिम सामना पुढे ढकलण्याची विनंती करण्यात आली होती. त्यानुसार आयसीसीनं अंतिम सामना पुढे ढकलला आहे.
Share
Tweet
