Advertisement

बिग बॉस मराठीमध्ये आज रंगणार विकेण्डचा डाव!


बिग बॉस मराठीमध्ये आज रंगणार विकेण्डचा डाव!
SHARES

दिवसेंदिवस बिग बॉसच्या घरात रंगत येत आहे. दररोज दिले जाणारे नवीन टास्क घरातील सदस्य मन लावून खेळताना दिसत आहेत. बिग बॉस मराठीच्या घरामध्ये दर आठवड्याप्रमाणे या आठवड्यातही सदस्यांना लक्झरी बजेट मिळणार आहे. सगळ्या सदस्यांनी बिग बॉसने दिलेले कार्य उत्तमरीत्या पार पाडले. त्यामुळे घरातील सगळे रहिवाशी यास पात्र आहेत असे बिग बॉसचे म्हणणे आहे.


मेघा आणि सई यांच्यामध्ये पडणार का फूट?

या घरामध्ये मेघा आणि सईच्या मैत्रीबद्दल सगळेच बोलत असताना प्रेक्षकांनी बघितले आहे. परंतु या आठवड्यातील टास्कमुळे कुठेतरी दोघींमध्ये मतभेद होत असल्याचे गेल्या दोन दिवसांपासून दिसून येत आहे. इतकेच नसून पुष्कर देखील सईशी सहमत आहे. त्यामुळे आता मेघाच्या बाजूने असणारे सदस्य सुद्धा तिची साथ सोडतील? की तिला समजून घेतील? हा प्रश्नच आहे.


स्मिता झाली घराची कॅप्टन

काल बिग बॉस मराठीच्या घरामध्ये कॅप्टनसीचा टास्क रंगला. कच्ची अंडी, ग्रास कटर, कारले, शेण आणि केक या गोष्टी टास्कसाठी सदस्यांना देण्यात आल्या. घरच्याच सदस्यांनी बाकीच्या सदस्यांना वेगळी वेगळी आव्हानं दिली. ज्यात काहींना यश तर काहींना अपयश आले. यामध्ये देखील टास्क दरम्यानचेच दोन गट होते. ज्यामध्ये भूषण कडू १२ कच्ची अंडी खाण्यात यशस्वी ठरला, अनिल थत्ते यांनी साडे तीन पोळ्या पाणी न पिता खाल्या, सईला मात्र एका मिनिटामध्ये शेणाचे ८५ गोळे बनवता आले नाहीत. मेघाने कच्ची अंडी भांड्यामध्ये फोडली. त्यांना बऱ्याच अडचणी देखील आल्या. या मध्ये कॅप्टन्सीसाठी उभे असलेले दोन उमदेवार म्हणजेच स्मिता आणि पुष्कर यांच्यामध्ये ही चुरस रंगली होती. ज्यामध्ये शेवटी स्मिताची टीम जिंकली आणि ती बिग बॉस मराठीच्या घरातली नवी कॅप्टन ठरली. कॅप्टन्सीसाठी काल सदस्यांमध्ये रंगलेली ही चुरस बघायला मज्जा तर नक्कीच आली. परंतु, ऋतुजाला कॅप्टन्सीसाठी घरातील सदस्यांनी संधी न दिल्यामुळे तिने नाराजी व्यक्त केली.



सीक्रेट रूममध्ये राजेश पडला एकटा

राजेशला सीक्रेट रूममध्ये रडू आले. त्याला घरच्यांची आठवण येत आहे आणि बाहेर जाऊ द्या अशी मागणी तो बिग बॉसकडे करणार आहे. या खोलीत नाही रहावत अशी घुसमट त्याने व्यक्त केली. आता बिग बॉस राजेशचं हे मनोगत ऐकून कुठला निर्णय घेतील? त्याला बिग बॉस मराठीच्या घरामध्ये परत पाठवणार की नाही? तो या खोलीमध्ये अजून किती दिवस रहाणार? हे बघणे उत्सुकतेचे असणार आहे.

घरातील सदस्यांची टास्क दरम्यानची कामगिरी प्रशंसनीय असल्याकारणाने बिग बॉसने घरातील सदस्यांना लक्झरी बजेट दिले आहे. त्यामुळे सगळेच सदस्य आनंदी असणार यात शंका नही.

संबंधित विषय
‘मुंबई लाइव्ह’च्या ताज्या बातम्यांसाठी सब्स्क्राईब करा