आठवडाभराच्या मुसळधार पावसानंतर मुंबईत (mumbai) शुक्रवारी हलका ते मध्यम पाऊस पडण्याची शक्यता आहे.
भारतीय हवामान खात्याने या आठवड्याच्या अखेरपर्यंत मध्यम स्वरूपाचा पाऊस पडण्याची शक्यता वर्तवली आहे. दरम्यान, आज शेजारील रायगड,रत्नागिरी जिल्ह्यात तसेच पुणे आणि सातारा जिल्ह्यात मुसळधार पावसाची शक्यता आहे.
पुढच्या आठवड्यात किंवा येत्या दहा दिवसांत मुंबईत मुसळधार पावसाची (mumbai rains) शक्यता नाही. मुंबईत (mumbai weather) सर्वसाधारणपणे तसेच कोकण किनारपट्टीवर मुसळधार पाऊस पडतो. बंगालच्या उपसागरातील कमी दाबाचा पट्ट्यामुळे अरबी समुद्रातील मान्सूनचा प्रवाह तीव्र होतो.
पश्चिम मध्य प्रदेश, उत्तर मध्य महाराष्ट्र आणि गुजरातला कोणतेही चक्रीवादळ झाल्यास कोकण किनारपट्टीवर मान्सूनची तीव्रता मजबूत होते. तसेच ऑगस्टच्या पहिल्या पंधरवड्यात अशी परिस्थिती निर्माण होण्याची शक्यता नाही.
मात्र बंगालच्या उपसागरातील कमी दाबाचा पट्ट्यामुळे दक्षिण गुजरात ते केरळपर्यंतच्या समुद्रकिनाऱ्यावर मान्सून वाऱ्यात बदल होण्याची शक्यता आहे. त्यामुळे पुढील 10 दिवसांमध्ये हवामानात बदल होऊ शकतो. अशा स्थितीत ऑगस्टच्या तिसऱ्या आठवड्यापर्यंत मुंबईत मुसळधार पावसाची शक्यता नाही.
हेही वाचा
Share
Tweet
