भारतीय रेल्वेमधून (indian railway) दररोज जवळपास लाखो लोक प्रवास करतात. त्यामध्ये अनेजकण स्लीपर अथवा जनरल क्लासमधून प्रवास करतात. आता मुंबईत (mumbai) तर लोकल (mumbai local) ही लाईफलाईन असल्याचं म्हटलं जातं. मात्र, ट्रेनमधून प्रवास करताना प्रवाशांमध्ये अनेकदा भांडणे झाल्याच्या घटना समोर आलेल्या आहेत.

यासंदर्भातील अनेक भांडणाचे व्हिडीओ सोशल मीडियावरही व्हायरल झाल्याचे पाहायला मिळतात. अनेकवेळा ट्रेनमध्ये जागेवरून भांडणं होतात. तसेच अनेकदा काहीजण तिकीट न काढताही प्रवास करताना आढळून येतात. यानंतर अशा प्रकारच्या तक्रारी रेल्वे प्रशासनापर्यंत जातात.

अशा प्रकारच्या तक्रारींचे प्रमाण वाढल्यामुळे आता मध्य रेल्वेने (central railway) एक महत्वाचा निर्णय घेतला आहे. रेल्वेने प्रवास करत असताना एखाद्या प्रवाशाला काही अडचण असेल किंवा त्याची काही तक्रार असेल तर थेट व्हॉट्सॲपद्वारे तक्रार करता येणार आहे. मध्य रेल्वेने आता व्हॉट्सॲप हेल्पलाईन सेवा सुरू केली आहे. यासंदर्भातील वृत्त फ्री प्रेस जर्नलने दिलं आहे.