संपूर्ण महाराष्ट्र (maharashtra)अंमली पदार्थांपासून मुक्त करण्याचा महत्त्वाकांक्षी निर्णय मुख्यमंत्री एकनाथ शिंदे (Eknath Shinde) यांनी घेतला आहे. याबाबत कठाेर कारवाई करण्याचे आदेश त्यांनी प्रशासनाला दिले आहेत.
या पार्श्वभूमीवर ठाणे महापालिका आयुक्त सौरभ राव यांच्या आदेशानुसार ठाणे (Thane) महापालिका क्षेत्रातील पब, बार तसेच अंमली पदार्थांची विक्री करणारे बेकायदेशीर बांधकामे हटविण्याची कारवाई करण्यात आली आहे.
या कारवाईत महापालिका हद्दीतील शाळा-महाविद्यालयांच्या 100 मीटर परिसरात एकूण 31 पानटपऱ्यांवर कारवाई करण्यात आली. तर हॉटेल, पब, बार आणि 9 शेडवर कारवाई करण्यात आली.
तसेच पुणे (Pune) शहरात देखील अशीच प्रकरणे समोर येत आहेत. राज्यातील शहरांमध्ये असे गैरप्रकार रोखण्यासाठी मुख्यमंत्री एकनाथ शिंदे (Eknath Shinde) यांनी महाराष्ट्रातील सर्व शहरातील अनधिकृत पब, बार आणि अवैध अमली पदार्थ विक्री केंद्रे बंद करण्याचा कठोर निर्णय घेतला असून, त्याची सर्वत्र अंमलबजावणी सुरू आहे.
ठाण्यातील पब, बार आदींवर कारवाई करण्याचे आदेश आयुक्त सौरभ राव यांनी दिले आहेत. त्यानुसार पोलिसांच्या उपस्थितीत अतिक्रमण नियंत्रण व निष्कासन विभागाच्या सहाय्यक आयुक्तांच्या उपस्थितीत कारवाई सुरू करण्यात आली आहे.
वागळे वॉर्ड समितीच्या हद्दीतील पंचशील बार, इंडियन टेस्ट बार, अनधिकृत पानटपरी आणि गुटखा विक्रेत्यांवर कारवाई करण्यात आली आहे.
वर्तकनगर वॉर्ड समिती परिसरातील द सिक्रेट बार आणि हुक्का पार्लरवर कारवाई करण्यात आली आहे. तसेच कोठारी कंपाऊंडमधील पब आणि बारवर ही कारवाई करण्यात आली आहे. या भागातील सोशल हाऊस पबमधील अनधिकृत बांधकाम व अनधिकृत पिण्याच्या पाण्यावर कारवाई करण्यात आली.
लोकमान्य सावरकरनगर प्रभाग समिती अंतर्गत ज्ञानेश्वरनगर येथील राजश्री शाहू महाराज विद्यालयाच्या 100 मीटर परिसरात असलेल्या तीन टाक्या सील करण्यात आल्या आहेत. तसेच सावरकरनगर येथील ज्ञानोदय विद्यालयातील एक टाकी जप्त करण्यात आली.
हेही वाचा
Share
Tweet
